ಪಿ. ಗೋಪಿಚಂದ್‌ 26 ಲಕ್ಷ ರೂ. ಕೊಡುಗೆ

ಮುಂಬಯಿ: ಭಾರತೀಯ ಬ್ಯಾಡ್ಮಿಂಟನ್‌ ತಂಡದ ಮುಖ್ಯ ಕೋಚ್‌ ಪುಲ್ಲೇಲ ಗೋಪಿಚಂದ್‌, ಹಲವು ವಿಶ್ವ ಪ್ರಶಸ್ತಿ ಗೆದ್ದ ವೀರ ಪಂಕಜ್‌ ಆಡ್ವಾಣಿ, ಮಾಜಿ ಹಾಕಿ ನಾಯಕ ಧನ್‌ರಾಜ್‌ ಪಿಳ್ಳೆ ಅವರು ಕೊರೊನಾ ವಿರುದ್ಧ ಹೋರಾಡಲು ಪ್ರಧಾನಮಂತ್ರಿಯವರ ಕೋವಿಡ್ 19 ನಿಧಿಗೆ ದೇಣಿಗೆ ನೀಡಿದ್ದಾರೆ.

ಮಾಜಿ ಆಲ್‌ ಇಂಗ್ಲೆಂಡ್‌ ಚಾಂಪಿಯನ್‌ ಕೂಡ ಆಗಿರುವ ಗೋಪಿಚಂದ್‌ ಅವರು 26 ಲಕ್ಷ ರೂ. ಕೊಡುವುದಾಗಿ ತಿಳಿಸಿದ್ದಾರೆ. ಇದರಲ್ಲಿ 15 ಲಕ್ಷ ರೂ. ಪ್ರಧಾನಿ ನಿಧಿಗೂ ಮತ್ತು ತಲಾ 5 ಲಕ್ಷ ರೂ. ಆಂಧ್ರ ಮತ್ತು ತೆಲಂಗಾಣ ಸರಕಾರದ ನಿಧಿಗೂ ನೀಡಲಿದ್ದಾರೆ. ಪಂಕಜ್‌ ಆಡ್ವಾಣಿ ಮತ್ತು ಧನ್‌ರಾಜ್‌ ಪಿಳ್ಳೆ ಅವರು ಪ್ರಧಾನಿ ನಿಧಿಗೆ ತಲಾ 5 ಲಕ್ಷ ರೂ. ಕೊಡುಗೆ ನೀಡುವುದಾಗಿ ತಿಳಿಸಿದ್ದಾರೆ.