ಮುಂಬಯಿಯಲ್ಲಿ ಸಾರ್ವಜನಿಕ ಶೌಚಾಲಯ ಸಂಕೀರ್ಣ ಕುಸಿತ: ಇಬ್ಬರ ಸಾವು

ಮುಂಬಯಿ : ನಗರದ ಭಾಂಡುಪ್‌ ನಲ್ಲಿನ ಸಾರ್ವಜನಿಕ ಶೌಚಾಲಯ ಸಂಕೀರ್ಣದ ಒಂದು ಭಾಗ ಕುಸಿದು ಬಿದ್ದ ಪರಿಣಾಮವಾಗಿ ಇಬ್ಬರು ವ್ಯಕ್ತಿಗಳು ಮೃತಪಟ್ಟಿರುವ ಘಟನೆ ವರದಿಯಾಗಿದೆ. 

ಅವಶೇಷಗಳಡಿ ಸಿಲುಕಿಕೊಂಡಿರುವ ಇನ್ನೊಬ್ಬನನ್ನು ಮೇಲಕ್ಕೆತ್ತುವ ಪ್ರಯತ್ನ ನಡೆದಿದೆ. ಈ ಘಟನೆಯು ಇಂದು ಶನಿವಾರ ಭಾಂಡುಪ್‌ ನ ಟ್ಯಾಂಕ್‌ ರೋಡ್‌ನ‌ಲ್ಲಿ ಸಂಭವಿಸಿತು.

ಅಗ್ನಿ ಶಾಮಕ ಮತ್ತು ರಾಷ್ಟ್ರೀಯ ಅವಘಡ ಸ್ಪಂದನ ದಳದ ರಕ್ಷಣಾ ತಂಡದವರು ಸ್ಥಳದಲ್ಲಿದ್ದು ಅವಶೇಷಗಳಡಿ ಸಿಲುಕಿಕೊಂಡಿರುವವರನ್ನು ಮೇಲಕ್ಕೆತ್ತುವ ಕಾರ್ಯಾಚರಣೆಯಲ್ಲಿ ತೊಡಗಿಕೊಂಡಿದ್ದಾರೆ ಎಂದು ವರದಿಗಳು ತಿಳಿಸಿವೆ.