ಆರೋಪ ಸಾಬೀತುಪಡಿಸದಿದ್ದರೆ ಮೋದಿ ಬಸ್ಕಿ ತೆಗೆಯಬೇಕು: ಮಮತಾ ಬ್ಯಾನರ್ಜಿ

ಕೋಲ್ಕತ : ಪ್ರಧಾನಿ ನರೇಂದ್ರ ಮೋದಿ ಮತ್ತು ಭಾರತೀಯ ಜನತಾ ಪಕ್ಷ , ದೇಶಕ್ಕಿರುವ ಅತೀ ದೊಡ್ಡ ಎರಡು ಬೆದರಿಕೆಗಳು ಎಂದು ಹೇಳಿದ ಒಂದು ದಿನದ ತರುವಾಯ ಪಶ್ಚಿಮ ಬಂಗಾಲ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ, “ತೃಣ ಮೂಲ ಕಾಂಗ್ರೆಸ್‌ ಮತ್ತು ಕಲ್ಲಿದ್ದಲು ಮಾಫಿಯಾ ನಡುವೆ ನಂಟಿದೆ ಎಂದು ಮಾಡಿರುವ ಆರೋಪವನ್ನು ಪ್ರಧಾನಿ ಮೋದಿ ಸಾಬೀತು ಪಡಿಸಬೇಕು; ಇಲ್ಲದಿದ್ದರೆ ಅವರು ಸಾರ್ವಜನಿಕವಾಗಿ ನೂರು ಬಸ್ಕಿ ತೆಗೆಯಬೇಕು ಎಂದು ಸವಾಲು ಹಾಕಿದ್ದಾರೆ.

ಒಂದೊಮ್ಮೆ ಮೋದಿ ಟಿಎಂಸಿ ವಿರುದ್ಧದ ಆರೋಪವನ್ನು ಸಾಬೀತು ಪಡಿಸಿದರೆ ತಾನು ಎಲ್ಲ 42 ಕ್ಷೇತ್ರಗಳ ತನ್ನ ಅಭ್ಯರ್ಥಿಗಳನ್ನು ತಾನು ಹಿಂಪಡೆಯುತ್ತೇನೆ ಎಂದು ಇಂದು ಬಂಕುರಾ ರಾಲಿಯಲ್ಲಿ ಮಮತಾ ಗುಡುಗಿದರು.

ನಿನ್ನೆ ಬುಧವಾರ ಮಮತಾ ಅವರು ರಾಲಿಯಲ್ಲಿ ಮಾತನಾಡುತ್ತಾ, ಜನರು ಮೋದಿಯನ್ನು ಅಧಿಕಾರದಿಂದ ಕಿತ್ತು ಹಾಕಬೇಕು; ಯಾಕೆಂದರೆ ಅವರು ಮತ್ತು ಅವರ ಬಿಜೆಪಿ ದೇಶದ ಅತೀ ದೊಡ್ಡ ಬೆದರಿಕೆಗಳಾಗಿವೆ ಎಂದು ಹೇಳಿದ್ದರು.