ವಿವಾದಿತ ಜಮೀನಲ್ಲಿ ಪ್ರತಿಭಟನೆ

ಕೆ.ಆರ್‌.ಪುರ: ಕೊತ್ತನೂರಿನ ಸರ್ವೆ ನಂ. 47ರಲ್ಲಿ ಅರಣ್ಯ ಇಲಾಖೆ ವಶಕ್ಕೆ ಪಡೆದಿರುವ 17.34ಎಕರೆ ಜಮೀನಿನಲ್ಲಿ ಸಸಿ ನೆಡಲು ಮುಂದಾದ ಅಧಿಕಾರಿಗಳನ್ನು ಗ್ರಾಮಸ್ಥರು ತಡೆದು ಪ್ರತಿಭಟಿಸಿದ್ದಾರೆ. ಜಮೀನು ವಶಕ್ಕೆ ಮುಂದಾದರೆ ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ಮಾಡಿಧಿಕೊಳ್ಳುವುದಾಗಿಯೂ ಎಚ್ಚರಿಸಿದ್ದಾರೆ. 

ಈ ವೇಳೆ ಮಾತನಾಡಿದ ಪ್ರತಿಭಟನಾ ಕಾರರು “70 ವರ್ಷಗಳಿಂದ 200 ದಲಿತ ಕುಟುಂಬಗಳು ಇಲ್ಲಿ ವಾಸಿಸುತ್ತಿದ್ದವು. 1991ರವರೆಗೆ ನಮ್ಮ ಹೆಸರಲ್ಲೇ ಪಹಣಿ ಬರುತ್ತಿತ್ತು. ಭೂಮಿಗೆ ಕಂದಾಯವನ್ನೂ ಕಟ್ಟಿದ್ದೇವೆ. ಇಷ್ಟದರೂ ಅರಣ್ಯ ಇಲಾಖೆ ಭೂಮಿ ವಶಕ್ಕೆ ಪಡೆದಿದೆ. ಈ ವ್ಯಾಜ್ಯ ನ್ಯಾಯಾಲಯದಲ್ಲಿ ವಿಚಾರಣೆ ಹಂತದಲ್ಲಿದ್ದು, ಯತಾಸ್ಥಿತಿ ಕಾಯ್ದು ಗೊಳ್ಳಲು ಸೂಚಿಸಿದೆ. ಈ ನಡುವೆ, ಜಮೀನಿನಲ್ಲಿ ಸಸಿ ನೆಡುತ್ತಿರುವ ಅಕ್ರಮ,’ಎಂದು ಆರೋಪಿಸಿದರು. 

ಸೀಮೆಎಣ್ಣೆ ಡಬ್ಟಾಗಳನ್ನು ಹಿಡಿದು ಸ್ಥಳಕ್ಕೆ ಬಂದಿದ್ದ ಪ್ರತಿಭಟನಾಕಾರರು ಬೆಂಕಿ ಹಚ್ಚಿ ಕೊಂಡು ಆತ್ಮಹತ್ಯೆ ಮಾಡಿ ಕೊಳ್ಳುವುದಾಗಿ ಅಧಿಕಾರಿಗಳಿಗೆ ಎಚ್ಚರಿಸಿದರು.