ಸಮುದ್ರ ಮಧ್ಯ ಅನಾರೋಗ್ಯಕ್ಕೀಡಾಗಿದ್ದ ವ್ಯಕ್ತಿಯ ರಕ್ಷಣೆ

ಪಣಜಿ: ಸಮುದ್ರ ಮಧ್ಯದಲ್ಲಿದ್ದ ಹಡಗಿನಲ್ಲಿ ಅನಾರೋಗ್ಯದಿಂದ ಬಳಲುತ್ತಿದ್ದ ಎಂಟಿ ಎಲಿಮಿನ್ ಮಾಸ್ಟರ್ ಆಗಿದ್ದ ಯಿ ಮೊಂಗ್ ಬೊಕ್ (50) ಎಂಬ ವ್ಯಕ್ತಿಯನ್ನು ಭಾರತೀಯ ಕೋಸ್ಟ ಗಾರ್ಡ ಸಿಬ್ಬಂಧಿಗಳು ರಕ್ಷಿಸಿದ್ದಾರೆ.

ಭಾನುವಾರ ಬೆಳಿಗ್ಗೆ 4.30 ರ ಸುಮಾರು ಎಂಟಿ ಎಲಿಮ್ ಹಡಗಿನ ಮಾಸ್ಟರ್ ಆಗಿರುವ ಮೊಂಗ್ ಬೊಕ್ ರವರು ಎಡಗೈ ಪಾಶ್ರ್ವವಾಯು, ಕಡಿಮೆ ರಕ್ತದೊತ್ತಡದಿಂದ ಬಳಲುತ್ತಿದ್ದರು. ಎರಡು ದಿನಗಳಿಂದ ನಿದ್ರೆ ಮಾಡಲು ಸಾಧ್ಯವಾಗಿರಲಿಲ್ಲ. ಅವರಿಗೆ ತುರ್ತು ವೈದ್ಯಕೀಯ ಸೇವೆ ಅಗತ್ಯವಿತ್ತು. ಈ ಹಿನ್ನೆಲೆಯಲ್ಲಿ ಹಡಗಿನ ಸಿಬ್ಬಂಧಿಗಳು ಈ ಸಂದೇಶವನ್ನು ಮಾರಿಟೈಮ್ ಪಾರುಗಾಣಿಕಾ ಸಮನ್ವಯ ಕೇಂದ್ರಕ್ಕೆ (ಮುಂಬೈ) ನೀಡಲಾಗಿತ್ತು.

ಬೆಳಿಗ್ಗೆ 11 ಗಂಟೆಗೆ ಗೋವಾ ನೌಕಾನೆಲೆಯಿಂದ ಚೇತಕ್ ಹೆಲಿಕ್ಯಾಪ್ಟರ್ ಮೂಲಕ ಸಮುದ್ರ ಮಧ್ಯದ ಹಡಗಿನಲ್ಲಿದ್ದ ತುರ್ತು ಚಿಕಿತ್ಸೆ ಅಗತ್ಯವಿದ್ದ ವ್ಯಕ್ತಿಯನ್ನು ಕೋಸ್ಟ ಗಾರ್ಡ ಸಿಬ್ಬಂಧಿಗಳು ರಕ್ಷಿಸಿ ದಡಕ್ಕೆ ಕರೆತಂದಿದ್ದಾರೆ.