ವೀರಭದ್ರ ಸ್ವಾ ಮಿ ಪುಷ್ಪ ರಥೋತ್ಸವ

ಅಕ್ಕಿಆಲೂರು: ಪಟ್ಟಣದಲ್ಲಿ ಲಿಂ.ಕುಮಾರೇಶ್ವರರ 91ನೇ ಹಾಗೂ ಲಿಂ.ಚನ್ನವೀರೇಶ್ವರರ 12ನೇ ಪುಣ್ಯಸ್ಮರಣೋತ್ಸವ, ಶ್ರೀ ವೀರಭದ್ರೇಶ್ವರ ಜಾತ್ರಾ ಮಹೋತ್ಸವ ಹಾಗೂ ಅಕ್ಕಿಆಲೂರ ಉತ್ಸವ-2021ರ ಪ್ರಯುಕ್ತ ಶ್ರೀ ವೀರಭದ್ರೇಶ್ವರ ಪುಷ್ಪ ರಥೋತ್ಸವ ಅದ್ಧೂರಿಯಾಗಿ ನೆರವೇರಿತು.

ಬೆಳಗ್ಗೆ 8 ಗಂಟೆಗೆ ವಿಶೇಷ ಪುಷ್ಪಗಳಿಂದ ಶೃಂಗರಿಸಿದ್ದ ಪುಷ್ಪ ರಥದಲ್ಲಿ ಶ್ರೀ ವೀರಭದ್ರೇಶ್ವರ ಸ್ವಾಮಿ ಮೂರ್ತಿಯನ್ನು ಪ್ರತಿಷ್ಠಾಪಿಸಿ, ಮಹಾರುದ್ರಾಭಿಷೇಕದ ಮೂಲಕ ಸಾಮೂಹಿಕ ಪೂಜೆ ನೆರವೇರಿಸಿ, ಪುಷ್ಪ ರಥೋತ್ಸವಕ್ಕೆ ವಿರಕ್ತಮಠದ ಶಿವಬಸವ ಶ್ರೀಗಳು ಚಾಲನೆ ನೀಡಿದರು. ಸಮ್ಮಾಳ ವಾದ್ಯಗಳೊಂದಿಗೆ ಪುರವಂತರು ವೀರಭದ್ರ ಸ್ವಾಮಿ ಗುಗ್ಗಳ್ಳೋತ್ಸವ ನಡೆಸಿದರು.