Advertisement
ಪ್ರೊ ಕಬಡ್ಡಿ ಏಳನೇ ಆವೃತ್ತಿ ಅಹ್ಮದಾಬಾದ್‌ ಚರಣದ ಬುಧವಾರದ ಮೊದಲ ಪಂದ್ಯದಲ್ಲಿ ವಿಕಾಸ್‌ ಕಾಂಡೋಲ ಪ್ರಚಂಡ ರೈಡಿಂಗ್‌ ಹಾಗೂ ಸುನೀಲ್‌ ಆಕರ್ಷಕ ಟ್ಯಾಕಲ್‌ ನಡೆಸುವ ಮೂಲಕ ಹರ್ಯಾಣಕ್ಕೆ ಭರ್ಜರಿ ಗೆಲುವು ತಂದುಕೊಟ್ಟರು. ವಿಕಾಸ್‌ ರೈಡಿಂಗ್‌ನಲ್ಲಿ ಅಬ್ಬರಿಸಿ ಒಟ್ಟು 12 ಅಂಕ ಗಳಿಸಿದರೆ, ಸುನೀಲ್‌ ಟ್ಯಾಕಲ್‌ನಿಂದ 6 ಅಂಕ ಗಳಿಸಿ ತಂಡದ ಗೆಲುವಿನ ರೂವಾರಿಗಳಾದರು. ಉಳಿದಂತೆ ಕರ್ನಾಟಕದ ಅನುಭವಿ ಆಟಗಾರ ಪ್ರಶಾಂತ್‌ ಕುಮಾರ್‌ ರೈ (3 ಅಂಕ) ತಂಡವನ್ನು ಆಧರಿಸಿದರು. ಆದರೆ ಹರ್ಯಾಣದ ಅನುಭವಿ ಆಟಗಾರ ಧರ್ಮರಾಜ್‌ ಚೆರಾÉಥನ್‌ ಕಳಪೆ ಆಟ ಮತ್ತೆ ಮುಂದುವರಿಸಿ ನಿರಾಸೆ ಮೂಡಿಸಿದರು.
ದಿನದ ದ್ವಿತೀಯ ಪಂದ್ಯದಲ್ಲಿ ಆತಿಥೇಯ ಗುಜರಾತ್‌ ಫಾರ್ಚೂನ್‌ಜೈಂಟ್ಸ್‌ ಮತ್ತೂಂದು ಸೋಲನುಭವಿಸಿತು. ಬೆಂಗಾಲ್‌ ವಾರಿ ಯರ್ ಈ ಮುಖಾಮುಖೀಯನ್ನು 28-26 ಅಂತರದಿಂದ ತನ್ನದಾಗಿಸಿ ಕೊಂಡಿತು. ಇದರೊಂದಿಗೆ ಗುಜರಾತ್‌ ಮನೆಯಂಗಳದಲ್ಲಿ ಹ್ಯಾಟ್ರಿಕ್‌ ಸೋಲಿನ ಅವಮಾನಕ್ಕೆ ಸಿಲುಕಿತು.