ಪ್ರೊ ಕಬಡ್ಡಿ: ಹಳಿ ಏರಿದ ಯುಪಿ ಯೋಧಾಸ್‌

ಹೊಸದಿಲ್ಲಿ: ಶನಿವಾರದ ಮುಖಾಮುಖಿಯಲ್ಲಿ ಯು ಮುಂಬಾವನ್ನು 39-23 ಅಂತರದಿಂದ ಮಣಿ ಸಿದ ಯುಪಿ ಯೋಧಾಸ್‌ 10ನೇ ಆವೃತ್ತಿ ಪ್ರೊ ಕಬಡ್ಡಿಯಲ್ಲಿ ಸೋಲಿನ ಸರಪಳಿಯನ್ನು ಕಡಿದುಕೊಂಡಿದೆ. 17 ಪಂದ್ಯಗಳಲ್ಲಿ 4ನೇ ಜಯ ಕಂಡಿದೆ. ಮುಂಬಾ ಇಷ್ಟೇ ಪಂದ್ಯಗಳಿಂದ 9ನೇ ಸೋಲನುಭವಿಸಿತು.

ಯೋಧಾಸ್‌ ಸಾಂಘಿಕ ಆಟದ ಮೂಲಕ ಗಮನ ಸೆಳೆಯಿತು. ಡಿಫೆಂಡರ್‌ ಸುಮಿತ್‌ 7, ರೈಡರ್‌ ಗಗನ್‌ ಗೌಡ 6, ರೈಡರ್‌ಗಳಾದ ಮಹಿಪಾಲ್‌ ಮತ್ತು ಅನಿಲ್‌ ಕುಮಾರ್‌ ತಲಾ 5 ಅಂಕ ಗಳಿಸಿದರು. ಯು ಮುಂಬಾ ಸಾಮ
ರ್ಥ್ಯಕ್ಕೆ ತಕ್ಕ ಆಟ ಆಡುವಲ್ಲಿ ವಿಫ‌ಲವಾಯಿತು. ಬದಲಿ ರೈಡರ್‌ ಶಿವಂ 5 ಅಂಕ ಗಳಿಸಿದ್ದೇ ಉತ್ತಮ ನಿರ್ವಹಣೆ ಆಗಿತ್ತು.

ಟೈಟಾನ್ಸ್‌ಗೆ 16ನೇ ಸೋಲು
ಎರಡನೇ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್‌ ಮೇಲೆ ಸವಾರಿ ಮಾಡಿದ ಆತಿಥೇಯ ದಬಾಂಗ್‌ ಡೆಲ್ಲಿ 44-33 ಅಂತರದ ಜಯ ಸಾಧಿಸಿದೆ. ಇದು ತವರಲ್ಲಿ ಡೆಲ್ಲಿಗೆ ಒಲಿದ ಮೊದಲ ಗೆಲುವು. ಕೊನೆಯ ಸ್ಥಾನ ಬಿಟ್ಟು ಕದಲದ ಟೈಟಾನ್ಸ್‌ 18 ಪಂದ್ಯಗಳಲ್ಲಿ 16ನೇ ಸೋಲನುಭವಿಸಿತು.

ಡೆಲ್ಲಿ ನಾಯಕ ಆಶು ಮಲಿಕ್‌ ಅಮೋಘ ಪ್ರದರ್ಶನ ನೀಡಿದರು. ಅವರದು ಬರೋಬ್ಬರಿ 20 ಅಂಕಗಳ ಸಾಧನೆ. ಟೈಟಾನ್ಸ್‌ ಕ್ಯಾಪ್ಟನ್‌ ಪವನ್‌ ಸೆಹ್ರಾವತ್‌ 9 ಅಂಕ ಗಳಿಸಿದರು.