Pro Kabaddi:74 ಅಂಕ ಗಳಿಸಿದ ತಮಿಳ್‌ ತಲೈವಾಸ್‌

ಪಂಚಕುಲ: ಎಲ್ಲ ಮುಗಿದ ಮೇಲೆ ಹೋರಾಟ ನಡೆಸಿದ ತಮಿಳ್‌ ತಲೈವಾಸ್‌ 74-37 ಅಂತರದಿಂದ ಬೆಂಗಾಲ್‌ ವಾರಿಯರ್ಗೆ ಸೋಲುಣಿಸಿತು.

ಇದು ಪ್ರೊ ಕಬಡ್ಡಿಯಲ್ಲಿ ತಲೈವಾಸ್‌ ಗಳಿಸಿದ ಅತ್ಯಧಿಕ ಅಂಕ. ಹಾಗೆಯೇ ಪಂದ್ಯವೊಂದರಲ್ಲಿ 111 ಅಂಕ ಒಟ್ಟುಗೂಡಿದ್ದು ಕೂಡ ದಾಖಲೆಯಾಗಿದೆ. ತಲೈವಾಸ್‌ ಎದುರಾಳಿಯನ್ನು ಅತ್ಯಧಿಕ 6 ಸಲ ಆಲೌಟ್‌ ಮಾಡುವ ಮೂಲಕವೂ ದಾಖಲೆ ಸ್ಥಾಪಿಸಿತು. ತಲೈವಾಸ್‌ ಪರ ರೈಡರ್‌ಗಳಾದ ವಿಶಾಲ್‌ ಚಾಹಲ್‌ 19 ಅಂಕ, ನರೇಂದರ್‌ 17 ಅಂಕ ಗಳಿಸಿದರು.

ಬುಲ್ಸ್‌ಗೆ 12ನೇ ಸೋಲು: ದ್ವಿತೀಯ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್‌ಗೆ 46-38 ಅಂತರದ ಸೋಲುಣಿಸಿದ ದಬಾಂಗ್‌ ಡೆಲ್ಲಿ ತನ್ನ 3ನೇ ಸ್ಥಾನವನ್ನು ಇನ್ನಷ್ಟು ಗಟ್ಟಿಗೊಳಿಸಿತು (79 ಅಂಕ). ಬುಲ್ಸ್‌ 12ನೇ ಸೋಲನುಭವಿಸಿತು.