Pro Kabaddi: ಗುಜರಾತ್‌ಗೆ ರೋಚಕ ಜಯ

ನೋಯ್ಡಾ: ಪ್ರೊ ಕಬಡ್ಡಿ ಲೀಗ್‌ ಶನಿವಾರದ ಮೊದಲ ಪಂದ್ಯದಲ್ಲಿ ಗುಜರಾತ್‌ ಜೈಂಟ್ಸ್‌ 31-28 ಅಂಕಗಳಿಂದ ತೆಲುಗು ಟೈಟಾನ್ಸ್‌ ತಂಡವನ್ನು ಸೋಲಿಸಿದೆ.

ರೋಚಕವಾಗಿ ನಡೆದ ಸೆಣಸಾಟದಲ್ಲಿ ಗುಜರಾತ್‌ ಸಣ್ಣ ಅಂತರದಲ್ಲಿ ಜಯ ಸಾಧಿಸಿತು. ದಾಳಿಯಲ್ಲಿ ಗುಜರಾತ್‌ನ ಪ್ರತೀಕ್‌ ದಹಿಯಾ ಮಿಂಚಿ ಒಟ್ಟು 11 ಅಂಕ ಗಳಿಸಿದರು. ಗುಮನ್‌ ಸಿಂಗ್‌ ಕೂಡ ಮಿಂಚಿ 4 ಅಂಕ ಪಡೆದರು. ಜಿತೇಂದರ್‌ (3), ಸೋಮಬೀರ್‌ (3) ರಕ್ಷಣೆಯಲ್ಲಿ ತಂಡದ ನೆರವಿಗೆ ನಿಂತರು.

ಎದುರಾಳಿ ತೆಲುಗು ಟೈಟಾನ್ಸ್‌ ಪರ ವಿಜಯ್‌ ಅದ್ಭುತ ದಾಳಿ ನಡೆಸಿದರು. ಅವರು ಬೋನಸ್‌ ಅಂಕಗಳು ಸೇರಿ ಒಟ್ಟು 15 ಅಂಕ ಪಡೆದರು. ಆಶೀಷ್‌ ನರ್ವಾಲ್‌ 7 ಅಂಕ ಪಡೆದರು. ರಕ್ಷಣೆಯಲ್ಲಿ ತೆಲುಗು ತುಸು ಹಿನ್ನಡೆ ಸಾಧಿಸಿದ್ದು, ಅದರ ಸೋಲಿಗೆ ಕಾರಣವಾಯಿತು.

ನ.24ರ ಪಂದ್ಯಗಳು:

ಪುನೇರಿ ಪಲ್ಟಾನ್‌-ಬೆಂಗಾಲ್‌ ವಾರಿಯರ್ಸ್‌ (ರಾ.8)

ಪಾಟ್ನಾ ಪೈರೇಟ್ಸ್‌-ಯುಪಿ ಯೋಧಾಸ್‌ (ರಾ.9)