Pro Kabaddi: ಡೆಲ್ಲಿಯನ್ನು ಕೆಡವಿದ ಗುಜರಾತ್‌

ಜೈಪುರ: ಬುಧವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯದಲ್ಲಿ ಗುಜರಾತ್‌ ಜೈಂಟ್ಸ್‌ 31-26 ಅಂಕಗಳಿಂದ ದಬಾಂಗ್‌ ಡೆಲ್ಲಿಯನ್ನು ಸೋಲಿಸಿತು. ಸಮಬಲದ ತಂಡಗಳು ಜಿದ್ದಾಜಿದ್ದಿ ಪ್ರದರ್ಶನ ನೀಡಿದ್ದರಿಂದ ಪಂದ್ಯ ತೀವ್ರ ಕುತೂಹಲ ಮೂಡಿಸಿತು.

ಇದು 13 ಪಂದ್ಯಗಳಲ್ಲಿ ಗುಜರಾತ್‌ ಸಾಧಿಸಿದ 8ನೇ ಗೆಲುವು. ಡೆಲ್ಲಿ ಇಷ್ಟೇ ಪಂದ್ಯಗಳಿಂದ 4ನೇ ಸೋಲನುಭವಿಸಿತು. ಏಳರಲ್ಲಿ ಡೆಲ್ಲಿ ಜಯ ಸಾಧಿಸಿದೆ. 2 ಪಂದ್ಯ ಟೈ ಆಗಿವೆ.

ಗುಜರಾತ್‌ ಪರ ಡಿಫೆಂಡರ್‌ ದೀಪಕ್‌ ಸಿಂಗ್‌ ಸರ್ವಾಧಿಕ 6 ಅಂಕ ಗಳಿಸಿದರು. ಮತ್ತೋರ್ವ ಡಿಫೆಂಡರ್‌ ಸೋಮ್‌ಬೀರ್‌ 4 ಅಂಕ ತಂದಿತ್ತರು.

ಡೆಲ್ಲಿ ಪರ ರೈಡರ್‌ ಆಶು ಮಲಿಕ್‌ ಪಂದ್ಯದಲ್ಲೇ ಅತ್ಯುತ್ತ ಪ್ರದರ್ಶನವಿತ್ತರು. ಅವರದು ಸರ್ವಾಧಿಕ 13 ಅಂಕಗಳ ಸಾಧನೆ. ಡಿಫೆಂಡರ್‌ಗಳಾದ ಯೋಗೇಶ್‌ ಮತ್ತು ಆಶಿಷ್‌ ತಲಾ 3 ಅಂಕ ಗಳಿಸಿದರು.