Pro Kabaddi: ಅಗ್ರಸ್ಥಾನಿ  ಜೈಪುರಕ್ಕೆ ಅಪರೂಪದ ಸೋಲು

ಹೊಸದಿಲ್ಲಿ: ಸೋಮವಾರದ ರೋಚಕ ಪ್ರೊ ಕಬಡ್ಡಿ ಹೋರಾಟದಲ್ಲಿ ಅಗ್ರಸ್ಥಾನಿ ಜೈಪುರ್‌ ಪಿಂಕ್‌ ಪ್ಯಾಂಥರ್ಗೆ ಪಾಟ್ನಾ ಪೈರೇಟ್ಸ್‌ 36-33 ಅಂತರದ ಸೋಲುಣಿಸಿತು. ಇದು 18 ಪಂದ್ಯಗಳಲ್ಲಿ ಜೈಪುರ್‌ ಅನುಭವಿಸಿದ ಕೇವಲ 3ನೇ ಸೋಲು. ಅದೀಗ 72 ಅಂಕ ಹೊಂದಿದೆ. ಪಾಟ್ನಾ 19 ಪಂದ್ಯಗಳಲ್ಲಿ 9ನೇ ಗೆಲುವು ಸಾಧಿಸಿತು. ಪಾಟ್ನಾ ಜಯದಲ್ಲಿ ರೈಡರ್‌ಗಳಾದ ಸಚಿನ್‌ ಮತ್ತು ಸುಧಾಕರ್‌ ಎಂ. ಅವರ ಪಾತ್ರ ಮಹತ್ವದ್ದಾಗಿತ್ತು. ಇಬ್ಬರದೂ ಸರ್ವಾಧಿಕ 10 ಅಂಕಗಳ ಸಾಧನೆ.

ಪ್ಲೇ ಆಫ್ ಗೆ ಪುನೇರಿ
ಪುನೇರಿ ಪಲ್ಟಾನ್‌ ಮತ್ತು ದಬಾಂಗ್‌ ಡೆಲ್ಲಿ ನಡುವಿನ ಪಂದ್ಯ 30-30 ಅಂಕಗಳಿಂದ ಟೈ ಆಯಿತು. ಇದರೊಂದಿಗೆ ಪುನೇರಿ ಪ್ಲೇ ಆಫ್ ಪ್ರವೇಶಿಸಿತು. ಪುನೇರಿ ಪರ ರೈಡರ್‌ ಅಸ್ಲಾಮ್‌ ಮುಸ್ತಾಫಾ 10 ಅಂಕ, ದಬಾಂಗ್‌ ಡೆಲ್ಲಿ ನಾಯಕ ಆಶು ಮಲಿಕ್‌ 8 ಅಂಕ ಗಳಿಸಿದರು.