Pro Kabaddi: ಜೈಪುರ್‌ ಮೇಲೆ ಪಾಟ್ನಾ ಸವಾರಿ

ಹೈದರಾಬಾದ್‌: ಶುಕ್ರವಾರದ ಜಿದ್ದಾಜಿದ್ದಿ ಪ್ರೊ ಕಬಡ್ಡಿ ಮೇಲಾಟದಲ್ಲಿ ಪಾಟ್ನಾ ಪೈರೆಟ್ಸ್‌ 43-41 ಅಂತರದಿಂದ ಜೈಪುರ್‌ ಪಿಂಕ್‌ ಪ್ಯಾಂಥರ್ಗೆ ಸೋಲುಣಿಸಿತು.

ಕೊನೆಯ ನಿಮಿಷದಲ್ಲಿ ದೇವಾಂಕ್‌ ಡು ಆರ್‌ ಡೈ ರೈಡ್‌ನ‌ಲ್ಲಿ ಬೋನಸ್‌ ಅಂಕ ತಂದುಕೊಡುವುದರೊಂದಿಗೆ ಪಾಟ್ನಾ ಮೇಲೇರಿತು. ಕೊನೆಯಲ್ಲಿ ಸೋಮ್‌ಬೀರ್‌ ಅವರನ್ನು ಬಲೆಗೆ ಬೀಳಿಸುವಲ್ಲಿ ಯಶಸ್ವಿಯಾದ ಪಾಟ್ನಾ 2 ಅಂಕಗಳ ಮೇಲುಗೈ ಸಾಧಿಸಿತು.

ಪಾಟ್ನಾ ಪರ ರೈಡರ್‌ಗಳಾದ ಅಯಾನ್‌ 14, ದೇವಾಂಕ್‌ 11 ಅಂಕ ತಂದಿತ್ತರು. ಇದು 7 ಪಂದ್ಯಗಳಲ್ಲಿ ಪಾಟ್ನಾ ಸಾಧಿಸಿದ 4ನೇ ಜಯ. ಜೈಪುರ್‌ ಪರ ನಾಯಕ ಅರ್ಜುನ್‌ ದೇಶ್ವಾಲ್‌ ಅದ್ಭುತ ಪ್ರದರ್ಶನ ನೀಡಿ 20 ಅಂಕ ಗಳಿಸಿ ಕೊಟ್ಟರು. ಇದು 7 ಪಂದ್ಯಗಳಲ್ಲಿ ಜೈಪುರ್‌ ಅನುಭವಿಸಿದ 3ನೇ ಸೋಲು.

ಡೆಲ್ಲಿಗೆ 4ನೇ ಗೆಲುವು
ದ್ವಿತೀಯ ಪಂದ್ಯದಲ್ಲಿ ದಬಾಂಗ್‌ ಡೆಲ್ಲಿ 39-26 ಅಂತರದಿಂದ ತಮಿಳ್‌ ತಲೈವಾಸ್‌ಗೆ ಸೋಲುಣಿಸಿತು. ಇದು 9 ಪಂದ್ಯಗಳಲ್ಲಿ ಡೆಲ್ಲಿ ಸಾಧಿಸಿದ 4ನೇ ಜಯ. ನಾಯಕ ಆಶು ಮಲಿಕ್‌ 12 ಅಂಕ ಗಳಿಸಿ ಡೆಲ್ಲಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಕ್ರೀಡೆ