Pro Kabaddi: ಡೆಲ್ಲಿಗೆ 12ನೇ ಜಯ

ಕೋಲ್ಕತಾ: ಬುಧವಾರದ ಪ್ರೊ ಕಬಡ್ಡಿ ಪಂದ್ಯದಲ್ಲಿ ತಮಿಳ್‌ ತಲೈವಾಸ್‌ ವಿರುದ್ಧ 45-43 ಅಂಕಗಳ ರೋಚಕ ಜಯ ಸಾಧಿಸಿದ ದಬಾಂಗ್‌ ಡೆಲ್ಲಿ 3ನೇ ಸ್ಥಾನವನ್ನು ಗಟ್ಟಿಗೊಳಿಸಿದೆ (74 ಅಂಕ).

ಇದು ಡೆಲ್ಲಿಗೆ ಒಲಿದ 12ನೇ ಗೆಲುವು. ನಾಯಕ ಆಶು ಮಲಿಕ್‌ 18 ಅಂಕ ಗಳಿಸಿ ಡೆಲ್ಲಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ತಮಿಳ್‌ ಪರ ರೈಡರ್‌ ನರೇಂದರ್‌ ಕೂಡ 18 ಅಂಕ ತಂದಿತ್ತರು.

ಪುನೇರಿ ಮತ್ತೆ ಟಾಪರ್‌: ಇನ್ನೊಂದು ಪಂದ್ಯದಲ್ಲಿ ಬೆಂಗಾಲ್‌ಗೆ 29-26 ಅಂತರದ ಸೋಲುಣಿಸಿದ ಪುನೇರಿ ಮತ್ತೆ ಅಗ್ರಸ್ಥಾನಿಯಾಯಿತು (86 ಅಂಕ).