ಪ್ರೊ ಹಾಕಿ ಲೀಗ್‌ ಟೂರ್ನಿ ಶೀಘ್ರ ಪುನರಾರಂಭ ಅನುಮಾನ

ಹೊಸದಿಲ್ಲಿ: ಕೋವಿಡ್‌-19ದಿಂದಾಗಿ ಮಾರ್ಚ್‌ ಮಧ್ಯದಲ್ಲಿ ನಿಂತಿದ್ದ ಎಫ್ಐಎಚ್‌ ಪ್ರೊ ಲೀಗ್‌ ಹಾಕಿ ಪಂದ್ಯಾವಳಿ ಅಕ್ಟೋಬರ್‌ ತನಕ ಪುನರಾರಂಭಗೊಳ್ಳುವುದು ಕಷ್ಟ ಎಂಬುದಾಗಿ ಅಂತಾರಾಷ್ಟ್ರೀಯ ಹಾಕಿ ಫೆಡರೇಶನ್‌ (ಎಫ್ಐಎಚ್‌) ತಿಳಿಸಿದೆ.

“ಜಾಗತಿಕ ಕೋವಿಡ್‌-19 ನಿಯಂತ್ರಣ ಪ್ರಮಾಣವನ್ನು ಗಮನದಲ್ಲಿರಿಸಿಕೊಂಡು ಪ್ರೊ ಹಾಕಿ ಲೀಗ್‌ ಪಂದ್ಯಾವಳಿಯನ್ನು ಪುನರಾರಂಭಿಸಬೇಕಿದೆ. ಅಕ್ಟೋಬರ್‌ ಕೊನೆಯಲ್ಲಿ ಅಥವಾ ಡಿಸೆಂಬರ್‌ ತಿಂಗಳಲ್ಲಿ ಪಂದ್ಯಾವಳಿ ಮುಂದುವರಿದೀತು ಎಂಬ ವಿಶ್ವಾಸ ನಮ್ಮದು’ ಎಂಬುದಾಗಿ ಎಫ್ಐಎಚ್‌ ಸಿಎಒ ಥಿಯರಿ ವೀಲ್‌ ಹೇಳಿದ್ದಾರೆ.

ಈಗಾಗಲೇ ಭಾರತ, ಆಸ್ಟ್ರೇಲಿಯ, ಹಾಲೆಂಡ್‌ ಮತ್ತು ಕೆಲವು ಯುರೋಪಿಯನ್‌ ರಾಷ್ಟ್ರಗಳಲ್ಲಿ ಹಾಕಿ ಅಭ್ಯಾಸವನ್ನು ಆರಂಭಿಸಲಾಗಿದೆ. ಆದರೆ 2020ರ ಅಂತಾರಾಷ್ಟ್ರೀಯ ಹಾಕಿ ಕೂಟಗಳನ್ನು ಎಫ್ಐಎಚ್‌ ಜೂನ್‌ 2021ರ ತನಕ ಮುಂದೂಡಿದೆ.