ಮೈಸೂರು: ಮೈಸೂರು, ಮಂಡ್ಯ, ಚಾಮರಾಜನಗರ ಮತ್ತು ಕೊಡಗು ಜಿಲ್ಲೆಗಳ ವ್ಯಾಪ್ತಿಯಲ್ಲಿರುವ ಖಾಸಗಿ ಶಾಲೆಗಳು ಈ ವರ್ಷದ ಶಾಲಾ ಶುಲ್ಕ ವನ್ನು ಹೆಚ್ಚಿಸದಂತೆ ಸಿಬಿಎಸ್‌ಇ ಮತ್ತು ಐಸಿಎಸ್‌ಇ ಖಾಸಗಿ ಶಾಲಾ ಆಡಳಿತ ಮಂಡಳಿಗಳ ಒಕ್ಕೂಟ ನಿರ್ಧರಿಸಿದೆ ಎಂದು ಒಕ್ಕೂಟದ ಅಧ್ಯಕ್ಷ ಸುಧಾಕರ ಎಸ್‌.ಶೆಟ್ಟಿ ತಿಳಿಸಿದರು. ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಖಾಸಗಿ ಶಾಲೆ ವಿದ್ಯಾರ್ಥಿಗಳ ಹಿತಕಾಯುವ ಹಾಗೂ ಶಿಕ್ಷಣ ಇಲಾ ಖೆಯ ಮೇಲಿನ ಒತ್ತಡ ತಗ್ಗಿಸುವ ಉದ್ದೇ ಶದಿಂದ ಒಕ್ಕೂಟ ಖಾಸಗಿ ಶಾಲೆಗಳು ಈ ವರ್ಷದ ಶುಲ್ಕ ಹೆಚ್ಚಿಸದಂತೆ ನಿರ್ಧಾರ ಕೈಗೊಂಡಿದೆ ಎಂದು ಹೇಳಿದರು.
ಹೆಚ್ಚುವರಿ ಶುಲ್ಕ ಪಡೆಯಲ್ಲ: ಪ್ರಸ್ತುತ ವರ್ಷದಲ್ಲಿ ಹೆಚ್ಚುವರಿ ಶುಲ್ಕ ಪಡೆಯುವುದನ್ನೂ ಒಕ್ಕೂಟ ವಿರೋಧಿಸುತ್ತದೆ. ಸರ್ಕಾರಿ ಶಾಲೆಯ ಒಂದು ವಿದ್ಯಾರ್ಥಿಗೆ ಸರಕಾರ ವಾರ್ಷಿಕವಾಗಿ 50 ಸಾವಿರ ರೂ. ವೆಚ್ಚ ಮಾಡುತ್ತದೆ. ಆದರೆ, ಖಾಸಗಿ ಶಾಲೆ ವಿದ್ಯಾರ್ಥಿಗಳಿಗೆ ಎಲ್ಲವೂ ಆಯಾ ಸಂಸ್ಥೆಯೇ ನೋಡಿಕೊಳ್ಳಬೇಕು. ಹಾಗಾಗಿ ಹೆಚ್ಚುವರಿ ಶುಲ್ಕ ಕಡಿತಗೊಳಿಸಿ ದರೂ ನಿಗದಿಪಡಿಸಿರುವ ಶುಲ್ಕದ ಮೊತ್ತ ಇಳಿಕೆ ಮಾಡಲು ಸಾಧ್ಯವಾಗುವುದಿಲ್ಲ ಎಂದು ಸ್ಪಷ್ಟಪಡಿಸಿದರು.
ಆನ್‌ಲೈನ್‌ ಶಿಕ್ಷಣ ರದ್ಧತಿಗೆ ಸ್ವಾಗತ: ಚಿಕ್ಕ ವಯಸ್ಸಿನ ಮಕ್ಕಳು ಹೆಚ್ಚಾಗಿ ಮೊಬೈಲ್ ಮತ್ತು ಕಂಪ್ಯೂಟರ್‌ ನೋಡು ವುದರಿಂದ ಕಣ್ಣಿನ ದೃಷ್ಟಿ ಹಾಳಾಗುವುದು ಹಾಗೂ ನೆನಪಿನ ಶಕ್ತಿಯೂ ಕಳೆದು ಕೊಳ್ಳುವ ಸಾಧ್ಯತೆ ಇರುತ್ತವೆ. ಸರ್ಕಾರ ಆನ್‌ಲೈನ್‌ ತರಗತಿಗಳನ್ನು ನಿಷೇಧಿಸುತ್ತಿ ರುವುದು ಸ್ವಾಗತಾರ್ಹ ಎಂದರು.
ಪೋಷಕರಿಗೆ ತರಬೇತಿ: ಇನ್ನೂ ಶಾಲೆ ಆರಂಭವಾಗಲು ಎರಡು ತಿಂಗಳ ಅವಧಿ ಇರುವುದ ರಿಂದ ಮಕ್ಕಳ ಬೌದಿಕ ಮತ್ತು ಮಾನಸಿಕ ಅಸಮತೋಲನ ನೀಗಿ ಸಲು ಶಿಕ್ಷಕರು ಮತ್ತು ವಿದ್ಯಾರ್ಥಿ ಪೋಷಕರೊಂದಿಗೆ ವಿಡಿಯೋ ಕಾನ್ಫರೆನ್ಸ್‌ ಸಭೆ ನಡೆಸಿ, ಮಕ್ಕಳಿಗೆ ಮನೆಯಲ್ಲೇ ಹೇಗೆ ಮತ್ತು ದಿನಕ್ಕೆ ಯಾವ ಅಧ್ಯಾಯ ಮಾಡಬೇಕು ಎಂದು ಪೋಷಕರಿಗೆ ತಿಳಿಸಿ ಕೊಡಲಿದ್ದೇವೆ. ನಂತರ ಪೋಷಕರು ತಮ್ಮ ಮಕ್ಕಳಿಗೆ ನಾವು ಹೇಳಿ ಕೊಡುವ ಪಾಠ ಮಾಡಲಿದ್ದಾರೆ ಎಂದು ಸುಧಾಕರ್‌ ಶಟ್ಟಿ ಮಾಹಿತಿ ನೀಡಿದರು.
