England One-Day Cup; ಪೃಥ್ವಿ ಶಾ ಮತ್ತೆ ಶತಕ

ಲಂಡನ್‌: ಪೃಥ್ವಿ ಶಾ ಅವರ ಅಮೋಘ ಶತಕದಿಂದಾಗಿ ನಾರ್ಥಂ ಪ್ಟನ್‌ಶೈರ್‌ ಮೆಟ್ರೊ ಬ್ಯಾಂಕ್‌ ವನ್‌ ಡೆ ಕಪ್‌ಗಾಗಿ ನಡೆಯುತ್ತಿರುವ ಲಿಸ್ಟ್‌ “ಎ’ ಪಂದ್ಯದಲ್ಲಿ ಡರ್ಹಾಮ್‌ ತಂಡವನ್ನು 6 ವಿಕೆಟ್‌ಗಳಿಂದ ಸೋಲಿಸಿದೆ.

ಮೊದಲು ಬ್ಯಾಟಿಂಗ್‌ ಮಾಡಿದ ಡರ್ಹಾಮ್‌ ತಂಡ 198 ರನ್ನಿಗೆ ಆಲೌಟಾದರೆ ನಾರ್ಥಂಪ್ಟನ್‌ಶೈರ್‌ ತಂಡ ಕೇವಲ 25.4 ಓವರ್‌ಗಳಲ್ಲಿ ನಾಲ್ಕು ವಿಕೆಟಿಗೆ 204 ರನ್‌ ಗಳಿಸಿ ಜಯಭೇರಿ ಬಾರಿಸಿತು. ಕೆಲವು ದಿನಗಳ ಹಿಂದೆ ನಡೆದ ಪಂದ್ಯದಲ್ಲಿ ದ್ವಿಶತಕ (244) ಬಾರಿಸಿದ್ದ ಪೃಥ್ವಿ ಶಾ ಈ ಪಂದ್ಯದಲ್ಲಿ ಶತಕ (125) ಬಾರಿಸಿ ಅಜೇಯರಾಗಿ ಉಳಿದರು. 76 ಎಸೆತ ಎದುರಿಸಿದ ಅವರು 15 ಬೌಂಡರಿ ಮತ್ತು 7 ಸಿಕ್ಸರ್‌ ಬಾರಿಸಿದ್ದರು. ಮೂರನೇ ವಿಕೆಟಿಗೆ ರಾಬ್‌ ಕೆಗ್‌ ಅವರೊಂದಿಗೆ 109 ರನ್‌ ಪೇರಿಸಿದ್ದರು.