Kampli; ದರ ಕುಸಿತ: ಭತ್ತ ನೆಲಕ್ಕೆ ಚೆಲ್ಲಿ ರೈತರ ಪ್ರತಿಭಟನೆ

ಕಂಪ್ಲಿ: ತಾಲೂಕಿನಲ್ಲಿ ಭತ್ತದ ಕಟಾವು ಆರಂಭವಾದ ಬೆನ್ನಲ್ಲೇ ಮಾರುಕಟ್ಟೆಯಲ್ಲಿ ದಿಢೀರ್‌ನೆà ಬೆಲೆ ಕುಸಿತಗೊಂಡಿದ್ದು ಆಕ್ರೋಶಗೊಂಡ ರೈತರು ಭತ್ತವನ್ನು ರಸ್ತೆಗೆ ಚೆಲ್ಲಿ ಪ್ರತಿಭಟಿಸಿದ ಘಟನೆ ಪಟ್ಟಣದಲ್ಲಿ ನಡೆದಿದೆ.
ಮುಂಗಾರು ಹಂಗಾಮಿನಲ್ಲಿ ನಾಟಿ ಮಾಡಿದ ಭತ್ತ ಹಾಗೂ ಜೋಳದ ಕಟಾವು ನಡೆದಿದೆ. ಸರಕಾರ ನಿಗದಿ ಮಾಡಿರುವ ಕನಿಷ್ಠ ಬೆಂಬಲ ಬೆಲೆ 2,300ರೂ.ಗಿಂತ ಅತೀ ಕಡಿಮೆ ಬೆಲೆಗೆ ಅಂದರೆ 1,350ರಿಂದ 1,400 ರೂ. ವರೆಗೆ ವ್ಯಾಪಾರಸ್ಥರು ಖರೀದಿ ಮಾಡುತ್ತಿದ್ದಾರೆ. ಇದರಿಂದ ಬೆಳೆಗೆ ಮಾಡಿದ ಖರ್ಚು ಸಹಿತ ಬಾರದಂತಾಗಿದೆ. ಅತಿವೃಷ್ಟಿಯಿಂದ ಬಂದಿರುವ ಸ್ವಲ್ಪ ಬೆಳೆಯೂ ಬೆಲೆ ಇಲ್ಲದೇ ರೈತರಿಗೆ ಮೋಸವಾಗುತ್ತಿದೆ. ಕೂಡಲೇ ಭತ್ತ ಖರೀದಿ ಕೇಂದ್ರ ಆರಂಭಿಸಬೇಕೆಂದು ಆಗ್ರಹಿಸಿ ತಹಶೀಲ್ದಾರ್‌ ಶಿವರಾಜ ಶಿವಪುರಗೆ ಮನವಿ ಸಲ್ಲಿಸಿದರು.