ಕಲಾಂ ಮಹಾಪುರುಷ: ಕೋವಿಂದ್‌

ನವದೆಹಲಿ: “ಯುವಕರಲ್ಲಿ ದೇಶಾಭಿ ಮಾನ, ರಾಷ್ಟ್ರಕಟ್ಟುವ ಭಾವನೆ ಬೆಳೆಯ ಬೇಕಾದರೆ ಅವರ ಮೇಲೆ ಮಹಾಪುರು ಷರ ಪ್ರಭಾವ ಇರಬೇಕು’ ಎಂದು ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಪ್ರತಿಪಾದಿಸಿದ್ದಾರೆ. ಮಾಜಿ ರಾಷ್ಟ್ರಪತಿ ದಿವಂಗತ ಎಪಿಜೆ ಅಬ್ದುಲ್‌ ಕಲಾಂ ಅವರ ಜನ್ಮದಿನದ ಅಂಗವಾಗಿ ರಾಮೇಶ್ವರದಿಂದ ರಾಷ್ಟ್ರಪತಿ ಭವನಕ್ಕೆ ಬಂದ “ಡಾ. ಕಲಾಂ ಸಂದೇಶ ವಾಹಿನಿ ವಿಷನ್‌ 2020′ ಎಂದು ಬರೆದಿದ್ದ ಬಸ್‌ನಲ್ಲಿ ಬಂದಿದ್ದ ಶಾಲಾ ಮಕ್ಕಳನ್ನು ಉದ್ದೇಶಿಸಿ ಅವರು ಈ ಮಾತನ್ನು ಹೇಳಿದ್ದಾರೆ.

ಕಲಾಂ ಅವರು ಜೀವಿತಾವಧಿಯಲ್ಲಿ ಮಾಡಿದ ಕೆಲಸವನ್ನು ದೇಶ ಎಂದೂ ಮರೆಯಲು ಸಾಧ್ಯವೇ ಇಲ್ಲ. ತಮ್ಮ ಸಂದೇಶ, ಬೋಧನೆಗಳ ಮೂಲಕ ಅವರು ಯುವಕರ ಮನಸ್ಸಿನ ಮೇಲೆ ಬಹಳಷ್ಟು ಪ್ರಭಾವ ಬೀರಿದ್ದಾರೆ ಎಂದೂ ಕೋವಿಂದ್‌ ಹೇಳಿದರು. ಇದೇ ವೇಳೆ, ಕಲಾಂ ಅವರು ಸಾವಿರಾರು ಯುವಕರಿಗೆ ಸ್ಫೂರ್ತಿ ಎಂದು ಪ್ರಧಾನಿ ಮೋದಿ ಟ್ವೀಟ್‌ ಮಾಡಿದ್ದಾರೆ.