ತುರುವೇಕೆರೆಯಲ್ಲಿಸಕಲ ಸಿದ್ಧತೆ

ತುರುವೇಕೆರೆ: ವಿಧಾನಸಭಾ ಚುನಾವಣೆಗೆ ಶನಿವಾರ ಮತದಾನ ನಡೆಯಲಿರುವುದರಿಂದ ಪಟ್ಟಣದ ಜೂನಿಯರ್‌ ಕಾಲೇಜು ಆವರಣದಲ್ಲಿ ಶುಕ್ರವಾರ ಭರದ ಸಿದ್ಧತೆ ನಡೆಸಲಾಯಿತು.

ತಾಲೂಕಿನಲ್ಲಿ 229 ಮತಗಟ್ಟೆಗಳಿಗೆ ಕರ್ವವ್ಯ ನಿರ್ವಹಿಸಲು ಬೇರೆ ತಾಲೂಕುಗಳಿಂದ ಮತ್ತು ತುರುವೇಕೆರೆ ತಾಲೂಕಿನಿಂದ ಚುನಾವಣೆಗೆ ನಿಯೋಜಿತಗೊಂಡ ಪಿಆರ್‌ಒ ಮತ್ತು ಎಪಿಆರ್‌ಗಳು ಹಾಗೂ ಸಿಬ್ಬಂದಿ ಶನಿವಾರ ನಡೆಯುವ ಚುನಾವಣೆಗೆ ಇವಿಎಂ ಹಾಗೂ ಮತ ಯಂತ್ರಗಳನ್ನು ಪಡೆದು ತಮ್ಮ ತಮ್ಮ ನಿಯೋಜನೆಗೊಂಡ ಬೂತ್‌ಗಳಿಗೆ ತೆರಳಿದರು.

 ತಾಲೂಕಿನಿಂದ ಬೇರೆ ತಾಲೂಕುಗಳಿಗೆ 28 ಕೆಎಸ್‌ಆರ್‌ಟಿ ಬಸ್‌, ಎರಡು ರಿಜರ್ವ್‌ ಬಸ್‌ , 21 ಜೀಪ್‌, 21 ಮಿನಿಬಸ್‌ 21, ಟೆಂಪೋಟ್ರ್ಯಾಕ್ಸ್‌ 21, ಮ್ಯಾಕ್ಸಿಕ್ಯಾಬ್‌ ಕಾರು ಹಾಗೂ ಮಾರುತಿ ವ್ಯಾನ್‌ಗಳಲ್ಲಿ ಕಳುಹಿಸಿ ಕೊಡಲಾಯಿತು.

 ಒಂದು ಬಸ್ಸಿನಲ್ಲಿ 6 ಮತಗಟ್ಟೆಗಳಂತೆ ವ್ಯವಸ್ಥೆ ಮಾಡಲಾಗಿದೆ ಒಟ್ಟು 254 ಪಿಆರ್‌ಒ ಎಪಿಆರ್‌ಒ 558ಗಳು ಮತ್ತು
412ಪಿಎಲ್‌ಒಗಳು ಚುನಾವಣಾ ಕರ್ತವ್ಯದಲ್ಲಿ ನಿರತವಾಗಿದ್ದಾರೆ. ಸೆಕ್ಟರ್‌ ಆಫೀಸರ್‌, ಫ್ಲೈಯಿಂಗ್‌ ಸ್ಕ್ವಾಡ್‌
ತಾಲೂಕಿನಾದ್ಯಂತ ಕರ್ತವ್ಯ ನಿರತವಾಗಿದ್ದಾರೆ ಎಂದು ಚುನಾವಣಾ ಮೂಲಗಳು ತಿಳಿಸಿವೆ.