EVM Issue: ಇವಿಎಂಗೂ ಮುನ್ನ ರಾಹುಲ್‌ರನ್ನು ಬದಲಿಸಿ ಕಾಂಗ್ರೆಸ್‌ಗೆ ಬಿಜೆಪಿ ಟಾಂಗ್‌

ಹೊಸದಿಲ್ಲಿ: ಇವಿಎಂಗಳ ಬದಲಾಗಿ ಮತಪತ್ರ ಇರುವ ಚುನಾವಣ ವ್ಯವಸ್ಥೆ ಜಾರಿ ಮಾಡಬೇಕು ಎಂಬ ಕಾಂಗ್ರೆಸ್‌ ಬೇಡಿಕೆಗೆ ಬಿಜೆಪಿ ನಾಯಕ ಸಂಭಿತ್‌ ಪಾತ್ರ ಲೇವಡಿ ಮಾಡಿದ್ದಾರೆ. ಬದಲಿಸಬೇ­ಕಾಗಿರುವುದು ಇವಿಎಂಗಳನ್ನಲ್ಲ. ಅವುಗಳ ಬದಲಾಗಿ ಕಾಂಗ್ರೆಸ್‌ ರಾಹುಲ್‌ ಗಾಂಧಿಯವರನ್ನೇ ಬದಲಿಸಲಿ ಎಂದು ಹೇಳಿದ್ದಾರೆ.

ಹೊಸದಿಲ್ಲಿಯಲ್ಲಿ ಬುಧವಾರ ಮಾತನಾಡಿದ ಅವರು, ಇ.ಡಿ., ಚುನಾವಣ ಆಯೋಗ, ಸಿಬಿಐ, ನ್ಯಾಯಾಂಗ, ಮೋದಿ ಸರಕಾ ರದ ಜತೆ ಸಂತೋಷ ಹೊಂದಿಲ್ಲ ಎಂದಾದರೆ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ರಾಹುಲ್‌ ಜತೆಗೆ ಮಂಗಳ ಗ್ರಹಕ್ಕೆ ತೆರಳಿ ಸಂತೋಷದಿಂದ ಜೀವನ ಮಾಡಲಿ ಎಂದು ಸಂಭಿತ್‌ ಹೇಳಿದ್ದಾರೆ. ರಾಹುಲ್‌ ಅವರ ವಿಫ‌ಲ ನಿರ್ವಹಣೆಯಿಂದಲೇ ಮಹಾರಾಷ್ಟ್ರದಲ್ಲಿ ಕಾಂಗ್ರೆಸ್‌ ಸೋತಿದೆ ಎಂದರು.