ಮುಂಬೈ ಸೋತಿದ್ದಕ್ಕೆ ಪ್ರೀತಿ ಜಿಂಟಾ ಫ‌ುಲ್‌ ಖುಷ್‌

ಮೊಹಾಲಿ: ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದ ಒಡತಿ ಬಾಲಿವುಡ್‌ ನಟಿ ಪ್ರೀತಿ ಜಿಂಟಾ ಖ್ಯಾತ ಉದ್ಯಮಿ ನೀತಾ ಅಂಬಾನಿ ಮಾಲೀಕತ್ವದ ಮುಂಬೈ ಇಂಡಿಯನ್ಸ್‌ ತಂಡ ಪ್ಲೇ ಆಫ್ನಿಂದ ಹೊರಬಿದ್ದಿದ್ದಕ್ಕೆ ಭಾರೀ ಸಂಭ್ರಮ ವ್ಯಕ್ತಪಡಿಸಿದ್ದಾರೆ. 

ಮುಂಬೈ ಫೈನಲ್‌ನಿಂದ ಹೊರಕ್ಕೆ ಹೋಗಿರುವುದರಿಂದ ನನಗೆ ತುಂಬಾ ಖುಷಿ ಆಗುತ್ತಿದೆ. ನಿಜಕ್ಕೂ ಸಂತೋಷವಿದು ಎಂದು ಪ್ರೀತಿ ಪಂಜಾಬ್‌-ಚೆನ್ನೈ ನಡುವಿನ ಪಂದ್ಯದ ವೇಳೆ ವಿವಿಐಪಿ ಗ್ಯಾಲರಿಯಲ್ಲಿ ನಿಂತು ಸಹವರ್ತಿ ಹೇಳಿದ್ದರು. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಪ್ರೀತಿ ಜಿಂಟಾ ಮಾತುಗಳು ವಿವಾದಕ್ಕೂ ಕಾರಣವಾಗಿದೆ. ಸದ್ಯ ಪ್ರೀತಿಯ ಪಂಜಾಬ್‌ ಪಡೆ ಕೂಡ ಪ್ಲೇಆಫ್ನಿಂದ ಹೊರಕ್ಕೆ ಬಿದ್ದಿರುವುದು ವಿಪರ್ಯಾಸವೇ ಸರಿ.