ಗರ್ಭಿಣಿ ಆಡಿನ ಮೇಲೆ ಅತ್ಯಾಚಾರ!

ಚಂಡೀಗಢ: ಅತ್ಯಾಚಾರವೆಂದರೇ ಹೀನ ಕೃತ್ಯ. ಹರ್ಯಾಣದ ಮೇವಾತ್‌ ಪಟ್ಟಣದಲ್ಲಿ ಎಂಟು ಮಂದಿ ಕಿಡಿಗೇಡಿಗಳು ಗರ್ಭಿಣಿ ಆಡಿನ ಮೇಲೆ ಅತ್ಯಾಚಾರವೆಸಗಿ ಕೊಂದಿದ್ದಾರೆ. ಮಾದಕ ವಸ್ತು ಮತ್ತು ಮದ್ಯದ ಅಮಲಿನಿಂದ ಅವರು ಈ ಹೇಯ ಕೃತ್ಯವೆಸಗಿದ್ದಾರೆ ಎಂದು ಗೊತ್ತಾಗಿದೆ. ಈ ಬಗ್ಗೆ ನಗಿನಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಪ್ರಕರಣ ಸಂಬಂಧ 8 ಮಂದಿ ಪೈಕಿ ಮೂವರ ಗುರುತು ಸಿಕ್ಕಿದ್ದು, ಶೀಘ್ರದಲ್ಲಿಯೇ ಅವರನ್ನು ಬಂಧಿಸಲಾಗುತ್ತದೆ ಎಂದು ಪ್ರಭಾರ ಠಾಣಾಧಿಕಾರಿ ಹೇಳಿದ್ದಾರೆ. ಮೇವಾತ್‌ ಪಟ್ಟಣದ ನಿವಾಸಿ ಅಸು ಎಂಬುವರು ಪ್ರಕರಣದ ಬಗ್ಗೆ ದೂರು ನೀಡಿದ್ದರು. 

ಪೇಟಾ ಇಂಡಿಯಾ ಕೂಡ ಈ ಅಂಶವನ್ನು ದೃಢಪಡಿಸಿದೆ. ನುಹ್‌ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಮತ್ತು ಇತರ ಪೊಲೀಸ್‌ ಅಧಿಕಾರಿಗಳ ಜತೆ ಸಂಘಟನೆ ನಿರಂತರ ಸಂಪರ್ಕದಲ್ಲಿದೆ ಎಂದು ಹೇಳಿದೆ. ಆಡಿನ ಮರಣೋತ್ತರ ಪರೀಕ್ಷೆ ವಿವರ ಇನ್ನಷ್ಟೇ ಬರಬೇಕಾಗಿದೆ.