ಮುಂಬಯಿಯಲ್ಲಿ ಭಾರೀ ಮಳೆ :22 ವಿಮಾನಗಳ ಮಾರ್ಗ ಬದಲು

ಮುಂಬಯಿ: ಸೋಮವಾರ ಸಂಜೆಯಿಂದ ಮುಂಬಯಿಯಲ್ಲಿ ಭಾರೀ ಮಳೆಯಾಗುತ್ತಿದ್ದು, ವಿಮಾನ ಸಂಚಾರ ಮತ್ತು ರೈಲು ಸಂಚಾರಕ್ಕೆ ತೊಡುಕು ಉಂಟಾಗಿದ್ದು 22 ವಿಮಾನಗಳ ಸಂಚಾರ ಮಾರ್ಗವನ್ನು ಬದಲಾಯಿಸಲಾಗಿದೆ.

ಮುಂಬಯಿಯಲ್ಲಿ ಇಳಿಯಬೇಕಾಗಿದ್ದ 16 ದೇಶಿಯ ಮತ್ತು 6 ಅಂತರಾಷ್ಟ್ರೀಯ ವಿಮಾನಗಳನ್ನು ದೆಹಲಿ, ಹೈದರಾಬಾದ್‌ ಮತ್ತು ಅಹಮದಾಬಾದ್‌ನತ್ತ ತಿರುಗಿಸಲಾಗಿದೆ.

ಮುಂಗಾರು ಪೂರ್ವ ಭಾರೀ ಮಳೆಯಾಗುತ್ತಿದ್ದು ಮುಂಬಯಿ ನಗರದಲ್ಲಿದ್ದ ಭಾರೀ ಸೆಕೆಯ ವಾತಾವರಣವನ್ನು ಕಡಿಮೆ ಮಾಡಿ ತಂಪೆರೆದಿದೆ.

ಮುಂಬಯಿಯ ಲೋಕಲ್‌ ರೈಲುಗಳ ಸಂಚಾರಕ್ಕೂ ತೀವ್ರ ತೊಂದರೆಯುಂಟಾಗಿದೆ.