ರಾಘಣ್ಣನ ಜೊತೆ ‘ಕರ್ನಾಟಕದ ಅಳಿಯ’

ಕೆಲ ದಿನಗಳ ಹಿಂದಷ್ಟೇ ಆರೋಗ್ಯದಲ್ಲಿ ಏರುಪೇರಾಗಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದ ಹಿರಿಯ ನಟ ರಾಘವೇಂದ್ರ ರಾಜಕುಮಾರ್‌, ಇದೀಗ ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದು, ಮತ್ತೆ ಮೊದಲಿನಂತೆ ಚಿತ್ರೀಕರಣಕ್ಕೆ ಇಳಿದಿದ್ದಾರೆ. ಕೆಲ ದಿನಗಳ ವಿಶ್ರಾಂತಿ ಬಳಿಕ ರಾಘವೇಂದ್ರ ರಾಜಕುಮಾರ್‌, ಯುವ ನಿರ್ದೇಶಕ ಜೈ ಶೇಖರ್‌ ಆ್ಯಕ್ಷನ್‌-ಕಟ್‌ ಹೇಳಿರುವ ಪ್ರಥಮ್‌ ಹೀರೋ ಆಗಿ ನಟಿಸುತ್ತಿರುವ “ಕರ್ನಾಟಕದ ಅಳಿಯ’ ಚಿತ್ರದ ವಿಶೇಷ ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ.

ಸದ್ಯ ಈ ಚಿತ್ರದಲ್ಲಿ ರಾಘಣ್ಣ ಭಾಗದ ಚಿತ್ರೀಕರಣ ನಡೆಯುತ್ತಿದ್ದು, ರಾಘಣ್ಣ ಕೂಡ ಜೋಶ್‌ನಿಂದಲೇ ಚಿತ್ರದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಇನ್ನು ಶೂಟಿಂಗ್‌ ಸೆಟ್‌ನಲ್ಲಿ ಬಿಡುವು ಮಾಡಿಕೊಂಡು ರಾಘಣ್ಣ, ಚಿತ್ರತಂಡದ ಸದಸ್ಯರ ಜೊತೆ ಕ್ರಿಕೆಟ್‌ ಕೂಡ ಆಡುತ್ತಿದ್ದಾರೆ.

ಇದನ್ನೂ ಓದಿ:ಪ್ರೇಕ್ಷಕರ ಮುಂದೆ “ನನ್ನ ಗುರಿ ವಾರೆಂಟ್‌’ : ಮಾ.26ಕ್ಕೆ ರಿಲೀಸ್

ರಾಘಣ್ಣ ಅವರೊಂದಿಗೆ ನಾಯಕ ನಟ ಪ್ರಥಮ್‌ ಸೇರಿದಂತೆ, “ಕರ್ನಾಟಕದ ಅಳಿಯ’ ಚಿತ್ರತಂಡ ಕೂಡ ಸಾಥ್‌ ನೀಡುತ್ತಿದ್ದು, ಶೂಟಿಂಗ್‌ ಸೆಟ್‌ನಲ್ಲಿ ರಾಘವೇಂದ್ರ ರಾಜಕುಮಾರ್‌ ಕ್ರಿಕೆಟ್‌ ಆಡುತ್ತಿರುವ ಫೋಟೋಗಳು ಸೋಶಿಯಲ್‌ ಮೀಡಿಯಾಗಳಲ್ಲಿ ಹರಿದಾಡುತ್ತಿದ್ದಾರೆ.