Advertisement
ಅಮಿರ್‌ ಸೊಹೈಲ್‌ ಕಿರಿಕ್‌1996ರ ಮಾ. 9ರಂದು ಬೆಂಗಳೂರಿನಲ್ಲಿ ನಡೆದ ಈ ಪಂದ್ಯದಲ್ಲಿ ಪಾಕಿಸ್ಥಾನ 288 ರನ್‌ ಚೇಸ್‌ ಮಾಡಲಿಳಿದಿತ್ತು. ವೆಂಕಟೇಶ ಪ್ರಸಾದ್ ಅವರ ಎಸೆತವನ್ನು ಬೌಂಡರಿಗೆ ಅಟ್ಟಿದ ಆರಂಭಕಾರ ಅಮಿರ್‌ ಸೊಹೈಲ್‌, ನಿಮ್ಮ ಮುಂದಿನ ಎಸೆತವನ್ನೂ ಬೌಂಡರಿಗೆ ಅಟ್ಟುತ್ತೇನೆ ಎಂದು ಬ್ಯಾಟ್‌ ಮೂಲಕ ಸನ್ನೆ ಮಾಡಿದರು. ಆಗ ಇಬ್ಬರ ನಡುವೆಯೂ ಮಾತಿನ ಚಕಮಕಿ ನಡೆಯಿತು. ಭಾರೀ ರೋಷದಲ್ಲಿದ್ದ ಪ್ರಸಾದ್ ಮುಂದಿನ ಎಸೆತದಲ್ಲೇ ಸೊಹೈಲ್‌ ಅವರನ್ನು ಕ್ಲೀನ್‌ಬೌಲ್ಡ್‌ ಮಾಡಿದ್ದರು!
“ಅಭಿಮಾನಿಗಳು ಆ ಘಟನೆಯನ್ನು ಜ್ಞಾಪಿಸದ ದಿನಗಳಿಲ್ಲ. 24 ವರ್ಷಗಳ ಬಳಿಕವೂ ಯಾರಾದರೊಬ್ಬರು ಈ ಬಗ್ಗೆ ನನ್ನಲ್ಲಿ ಕೇಳುತ್ತಲೇ ಇರುತ್ತಾರೆ. ಅಂದೇನು ನಡೆಯಿತು ಎಂಬುದನ್ನು ಇಡೀ ದೇಶವೇ ಗಮನಿಸಿದೆ. ನಮಗೆ ಆಗ ವಿಕೆಟ್‌ ಅಗತ್ಯವಿತ್ತು. ಇದಕ್ಕಾಗಿ ನನ್ನ ರಕ್ತ ಕುದಿಯುತ್ತಿತ್ತು…’ ಎಂದು ಪ್ರಸಾದ್ ಯೂ ಟ್ಯೂಬ್‌ ವೀಡಿಯೋದಲ್ಲಿ ಹೇಳಿದ್ದಾರೆ.ಈ ಒಂದು ವಿಕೆಟ್‌ಗೊಸ್ಕರ ಪ್ರಸಾದ್ ಮನೆಯಲ್ಲಿ ಉಡುಗೊರೆಯ ರಾಶಿಯೇ ಬಿದ್ದದ್ದು ಅಭಿಮಾನಿಗಳ ಮಹಾಸಂಭ್ರಮಕ್ಕೆ ಸಾಕ್ಷಿಯಾಗಿತ್ತು! ಶಿಕ್ಷೆಯಿಂದ ಪಾರಾದೆ!
“ನನ್ನ ವರ್ತನೆ ಐಸಿಸಿ ನಿಯಮಕ್ಕೆ ವಿರುದ್ಧವಾಗಿತ್ತು. ಆಗ ನಾನು ಶಿಕ್ಷೆಯಿಂದ ಪಾರಾದದ್ದೇ ಆಶ್ಚರ್ಯ. ಅಂಪಾಯರ್‌ ಡೇವಿಡ್‌ ಶೆಫ‌ರ್ಡ್‌, ನಾಯಕ ಅಜರುದ್ದೀನ್‌, ಶ್ರೀನಾಥ್‌, ಸಚಿನ್‌ ಎಲ್ಲರೂ ಬಂದು ನನ್ನನ್ನು ಸಮಾಧಾನಗೊಳಿಸಿದರು. ಇಲ್ಲವಾದರೆ ನನಗೆ ದಂಡವೋ, ನಿಷೇಧವೋ ಎದುರಾಗುತ್ತಿತ್ತು’ ಎಂದು ಪ್ರಸಾದ್ ಹೇಳಿದರು.