ಸೆಲ್ಫಿ ಪ್ರಾಬ್ಲಿಂ; ಅಭಿಮಾನಿ ಸಮಾವೇಶಕ್ಕೆ ರಜನಿ ಕೊಕ್‌

ಚೆನ್ನೈ: ಅಭಿಮಾನಿಗಳ ವೈಯಕ್ತಿಕ ಪೋಟೋ ಸೆಷನ್‌ ಒತ್ತಾಯದ ಹಿನ್ನೆಲೆಯಲ್ಲಿ ಖ್ಯಾತ ನಟ ರಜನಿಕಾಂತ್‌ ಅವರು ಅಭಿಮಾನಿ ಸಮಾವೇಶವನ್ನೇ ಮುಂದಕ್ಕೆ ಹಾಕಿದ್ದಾರೆ.

ಇದೇ 12ರಿಂದ 16ರವರೆಗೆ ರಜನಿ ಅಭಿಮಾನಿಗಳು ಸಮಾವೇಶವೊಂದನ್ನು ಹಮ್ಮಿಕೊಂಡಿದ್ದರು. ಅಲ್ಲಿ ಅವರು ರಜನಿ ಜತೆ ಫೋಟೋ ತೆಗೆಸಿಕೊಳ್ಳುವ ಕಾತರದಿಂದಿದ್ದರು. ಆದರೆ, ಸಮಾವೇಶದಲ್ಲಿ ಬಹಳಷ್ಟು ಮಂದಿ ಪಾಲ್ಗೊಳ್ಳುವ ಕಾರಣ, ಅವರನ್ನು ಸಂಭಾಳಿಸುವುದು ಮತ್ತು ಪ್ರತಿಯೊಬ್ಬರ ಜೊತೆ ಸೆಲ್ಫಿ ತೆಗೆಸಿಕೊಳ್ಳುವುದು ಕಷ್ಟ. ಹೀಗಾಗಿ, ಸಮಾವೇಶವನ್ನು ಮುಂದಕ್ಕೆ ಹಾಕುತ್ತಿದ್ದೇನೆ. ಇದನ್ನು ಮತ್ತಷ್ಟು ಅಚ್ಚಕಟ್ಟಾಗಿ ಮಾಡಲು ಅನುಕೂಲವಾಗುವಂತೆ ಎರಡು ಜಿಲ್ಲೆಗಳ ಅಭಿಮಾನಿಗಳನ್ನು ಒಂದೆಡೆ ಕರೆಯಿಸಿ ಫೋಟೋ ಸೆಷನ್‌ ಮಾಡಿಬಿಡುವ ಹೊಸ ಐಡಿಯಾ ಹೊಳೆದಿದೆ. ಎಲ್ಲರೂ ಸಹಕರಿಸಿ ಎಂದು ರಜನಿ ಮನವಿ ಮಾಡಿದ್ದಾರೆ. ಸದ್ಯವೇ ದಿನಾಂಕ ತಿಳಿಸುವುದಾಗಿಯೂ ಹೇಳಿದ್ದಾರೆ. ರಾಜಕೀಯ ಸೇರುವಂತೆ ಅಭಿಮಾನಿಗಳು ಒತ್ತಡ ಹಾಕುವ ಸಾಧ್ಯತೆಯಿದ್ದಿದ್ದರಿಂದ ರಜನಿ ಈ ನಿರ್ಧಾರ ಕೈಗೊಂಡಿರಬಹುದು ಎಂದೂ ಹೇಳಲಾಗಿದೆ.