ಭಾರತದಲ್ಲಿ ಕಡುಬಡತನ ಇಳಿಕೆ; ವಿಶ್ವಬ್ಯಾಂಕ್‌ ವರದಿಯಲ್ಲಿ ಉಲ್ಲೇಖ

ಹೊಸದಿಲ್ಲಿ: ಭಾರತದಲ್ಲಿ ಕಡುಬಡತನ ಪ್ರಮಾಣವು 2011ಕ್ಕೆ ಹೋಲಿಸಿದರೆ 2019ರಲ್ಲಿ ಶೇ. 12.3 ಇಳಿಕೆಯಾಗಿದೆ. 2019ರಲ್ಲಿ ಶೇ. 10.2 ಜನರು ಮಾತ್ರ ಕಡುಬಡತನದಲ್ಲಿದ್ದರು. ಈ ವಿಚಾರ ವಿಶ್ವಬ್ಯಾಂಕ್‌ನ ವರದಿಯಿಂದ ಈ ಮಾಹಿತಿ ಹೊರಬಿದ್ದಿದೆ.

ಅದರಲ್ಲೂ ಗ್ರಾಮೀಣ ಭಾಗದಲ್ಲಿ ಕಡುಬಡತನ ಪ್ರಮಾಣವು ಗಣನೀಯವಾಗಿ ತಗ್ಗಿದ್ದು, 2011ರಲ್ಲಿ ಶೇ.26.3 ಕಡುಬಡತನವಿತ್ತು. ಅದು 2019ರಲ್ಲಿ ಶೇ.11.6ಕ್ಕೆ ಇಳಿದಿದೆ.

2011-2019ರ ಅವಧಿಯಲ್ಲಿ ಗ್ರಾಮೀಣ ಪ್ರದೇಶದ ಕಡುಬಡತನ ಶೇ. 14.7 ಇಳಿಕೆ ಕಂಡಿದ್ದರೆ, ನಗರ ಪ್ರದೇಶದ ಕಡುಬಡತನ ಶೇ.7.9 ಇಳಿಕೆ ಕಂಡಿದೆ. 2011-2019ರ ಅವಧಿಯಲ್ಲಿ ಸಣ್ಣ ಪ್ರಮಾಣದ ಕೃಷಿ ಭೂಮಿ ಹೊಂದಿರುವ ರೈತರ ವಾರ್ಷಿಕ ಆದಾಯ ಶೇ.10 ಏರಿಕೆಯಾಗಿದ್ದರೆ, ದೊಡ್ಡ ಪ್ರಮಾಣದಲ್ಲಿ ಕೃಷಿ ಭೂಮಿ ಹೊಂದಿರುವ ರೈತರ ಆದಾಯ ಶೇ.2 ಏರಿಕೆಯಾಗಿದೆ ಎಂದು ವರದಿ ಹೇಳಿದೆ.