‘Post valentine day’…ಅಭಿಮಾನಿಗಳಿಗೆ ‘ಪ್ರೀತಿ’ ಬಗ್ಗೆ ನಟಿ ಹರಿಪ್ರಿಯಾ ಸಂದೇಶ   

ಕೆಲ ದಿನಗಳ ಹಿಂದೆಯಷ್ಟೆ ‘ಬೆಲ್ ಬಾಟಂ 2’ ಸಿನಿಮಾ ಮುಹೂರ್ತ ಮುಗಿಸಿರುವ ಖುಷಿಯಲ್ಲಿರುವ ಚಂದನವನದ ನಟಿ ಹರಿಪ್ರಿಯಾ, ಪ್ರೇಮಿಗಳ ದಿನ ಮುಗಿದ ಬಳಿಕ ಪ್ರೀತಿ, ಸಂಬಂಧಗಳ ಬಗ್ಗೆ ಮಾತಾಡಿದ್ದಾರೆ. ಜತೆಗೆ ತನ್ನ ಅಭಿಮಾನಿಗಳಿಗೆ ಗಿಫ್ಟ್ ಕೂಡ ನೀಡಿದ್ದಾರೆ.

ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ಉಗ್ರಂ ಚೆಲುವೆ ಹರಿಪ್ರಿಯಾ, ಇಂದು ತನ್ನ ಅಭಿಮಾನಿಗಳಿಗೆ ಟ್ವಿಟರ್ ನಲ್ಲಿ ಸಂದೇಶವೊಂದನ್ನು ನೀಡಿದ್ದಾರೆ. ಅಷ್ಟಕ್ಕೂ ಹರಿಪ್ರಿಯಾ ಹೇಳಿರುವ ಪ್ರೀತಿ ಮಾತುಗಳೇನು ಗೊತ್ತಾ?

ಯಾವುದೇ ಸಂಬಂಧಗಳಲ್ಲಿ ಅರ್ಥಮಾಡಿಕೊಳ್ಳುವಿಕೆ ಹಾಗೂ ಸಪೋರ್ಟಿವ್ ಆಗಿರೋದು ತುಂಬ ಮುಖ್ಯ. ಅದೇ ರೀತಿ ನನ್ನ ಹಾಗೂ ನಿಮ್ಮ ಈ ಮಧುರವಾದ ಬಾಂಧವ್ಯದಲ್ಲಿ ಸದಾ ಬೆಂಬಲವಾಗಿದ್ದೀರಿ. ಜತೆಗೆ ನಿತ್ಯ ಸಾಕಷ್ಟು ಪ್ರೀತಿ ಧಾರೆಯೆರೆಯುತ್ತಿರುತ್ತೀರಿ. ನಿಮಗೆಲ್ಲ ಲವ್ ಯು ಎಂದು ಕಾಮೆಂಟ್ ಮಾಡಿದ್ದಾರೆ. ಜತೆಗೆ ಗಿಟಾರ್ ನುಡಿಸುತ್ತಿರುವ ತಮ್ಮ ಹಲವು ಚೆಂದನೆಯ ಫೋಟೊಗಳನ್ನು ಅಭಿಮಾನಿಗಳಿಗೆ ಉಡುಗೊರೆಯಾಗಿ ನೀಡಿದ್ದಾರೆ.