ಸಕಾರಾತ್ಮಕ ಚಿಂತನೆ ಜೀವನದ ದಾರಿದೀಪ

ಜೀವನದಲ್ಲಿ ನಾವು ಒಂದಿಷ್ಟು ಪ್ರೇರಕ ಮಾತುಗಳನ್ನು, ಸಕಾರಾತ್ಮಕ ಯೋಚನೆಗಳನ್ನು ಇಟ್ಟುಕೊಳ್ಳುವುದು ಉತ್ತಮ. ಇದು ನಮ್ಮ ಯಶಸ್ಸಿನ ಹಾದಿಗೆ ಬಹಳ ಮುಖ್ಯವಾಗಿ ಬೇಕಾಗುತ್ತದೆ. ನಮ್ಮ ನಂಬಿಕೆಗಳು ಮತ್ತು ನಿರೀಕ್ಷೆಗಳು ಒಳಗೊಂಡತೆ ನಮ್ಮ ಯೋಚನೆಗಳು ಯೋಚಿಸುವ ರೀತಿಯೇ ನಮ್ಮನ್ನು ಉತ್ತಮ ಜೀವನ ಉತ್ತುಂಗಕ್ಕೆ ಏರಲು ನಮ್ಮಲ್ಲಿ ಸಕಾರಾತ್ಮಕ ಚಿಂತನೆಗಳು ಬೆಳೆಸಿಕೊಳ್ಳುವುದು ಅಗತ್ಯ.
ಧನಾತ್ಮಕವಾದ ಯೋಚನೆಗಳಿಂದ ನಮ್ಮ ವ್ಯಕ್ತಿತ್ವ ಕೂಡಿರಬೇಕು. ಧನಾತ್ಮಕವಾಗಿ ಇದ್ದರೆ ಅಷ್ಟೇ ನಾವು ಜೀವನದಲ್ಲಿ ಉತ್ತುಂಗಕ್ಕೆ ಏರಬಹುದು. ನಾವು ಋಣಾತ್ಮಕವಾಗಿ ಯೋಚಿಸುತ್ತಾ ಕುಳಿತರೇ ನಾವು ಋಣಾತ್ಮಕವಾಗಿಯೇ ಇರುತ್ತೇವೆ. ಯಾವುದೇ ಸಾಧನೆ ಮಾಡಲು ಮುಂದಾಗುವುದಿಲ್ಲ.

ಧನಾತ್ಮಕ ಮನೋಪ್ರವೃತ್ತಿಯನ್ನು ಬೆಳೆಸಿಕೊಳ್ಳಿ
ನೀವು ಯಾವತ್ತೂ ಧನಾತ್ಮಕವಾದ ಮನೋಪ್ರವೃತ್ತಿಯನ್ನು ಒಳೆಸಿಕೊಳ್ಳಿ. ಇದರಿಂದ ನಿಮ್ಮ ಜೀವನದಲ್ಲಿ ಅದೆಂಥ ದೊಡ್ಡ ಕಷ್ಟ ಬಂದರೂ ಅದನ್ನು ನೀವು ನಿವಾರಿಸಿಕೊಳ್ಳಬಹುದು. ನನ್ನಲ್ಲಿ ಈ ಕೆಲಸ ಸಾಧ್ಯವಿಲ್ಲ ಎಂದು ನೀವು ಕೊರಗಿದರೆ ಆ ಕೆಲಸ ನಿಮ್ಮಿಂದ ಆಗದು. ಧೈರ್ಯದಿಂದ ನಿಮ್ಮಲ್ಲಿ ಇರುವ ಸಾಮರ್ಥ್ಯದಿಂದ ಕೆಲಸವನ್ನು ಎದುರಿಸಿ ಆಗ ಅದು ನಿಮ್ಮಿಂದ ಸಾಧ್ಯವಾಗುತ್ತದೆ. ನಿಮಗೆ ಯಾವ ಕೆಲಸಬೇಕು ಅದಕ್ಕೆ ನೀವು ಕಠಿನ ಪರಿಶ್ರಮ ಪಡಿ ಇದರಿಂದ ನಿಮಗೆ ಜಯ ಸಿಗುತ್ತದೆ.

ಈ ದಿನದ ಬಗ್ಗೆ ಯೋಚಿಸಿ
ನಿನ್ನೆ ಏನಾದರೂ ಘಟನೆಗಳು ಸಂಭವಿಸಿದರೆ ಅದನ್ನು ನೀವು ಮರೆತು ಬಿಡಿ. ನಿನ್ನೆಯ ಬಗ್ಗೆ ಯೋಚಿಸುತ್ತಾ ಕೊರಗಬೇಡಿ. ಇಂದಿನ ಬಗ್ಗೆ ಹೊಸ ಆಲೋಚನೆ ಮಾಡಿ. ನಿನ್ನೆಯ ಬಗ್ಗೆ ನೀವು ಯೋಚಿಸುತ್ತಾ ಕುಳಿತರೆ ನೀವು ನಿನ್ನೆಯಲ್ಲೇ ಬಾಕಿ ಉಳಿಯುತ್ತೀರಿ.

ನಿಮ್ಮನ್ನು ನೀವು ಬದಲಾಯಿಸಿಕೊಳ್ಳಿ
ಮೊದಲು ನಿಮ್ಮಲ್ಲಿರುವ ಕೆಟ್ಟ ಗುಣಗಳನ್ನು ಹೋಗಲಾಡಿಸಿ ನಿಮ್ಮನ್ನು ನೀವು ಬದಲಾಯಿಸಿಕೊಳ್ಳಿ. ನಿಮ್ಮಲ್ಲಿರುವ ಕೆಟ್ಟ ಗುಣಗಳನ್ನು ಮರೆತು ಒಳ್ಳೆಯ ಗುಣಗಳನ್ನು ಬೆಳೆಸಿಕೊಳ್ಳಲು ಪ್ರಯತ್ನಿಸಿ.

ಸಕಾರಾತ್ಮಕ ಚಿಂತನೆಯಿಂದಾಗಿ ನಿಮ್ಮ ಆತ್ಮವಿಶ್ವಾಸ ಮತ್ತು ಸ್ವಾಭಿಮಾನ ಹೆಚ್ಚಾದಂತೆ ನೀವು ಸಹ ಬಲಶಾಲಿ ಮತ್ತು ಹೆಚ್ಚು ಶಕ್ತಿಶಾಲಿ ಎಂದು ಭಾವಿಸುತ್ತೀರಿ. ಹೆಚ್ಚಿನ ಶಕ್ತಿ ಸಕಾರಾತ್ಮಕ ಚಿಂತನೆಯು ಆಗಾಗ್ಗೆ ವಿಷಯಗಳನ್ನು ಸಾಧಿಸಲು ನಿಮ್ಮನ್ನು ಪ್ರೇರೇಪಿಸುತ್ತದೆ. ಶಕ್ತಿಯನ್ನು ನೀಡುತ್ತದೆ. ಸಕಾರಾತ್ಮಕ ಚಿಂತನೆಯೊಂದಿಗೆ ನೀವು ಒಟ್ಟಾರೆಯಾಗಿ ಉತ್ತಮರಾಗಿ ಹೆಚ್ಚು ಶಾಂತಿಯಿಂದ ಇರುತ್ತೀರಿ.

-  ಪೂರ್ಣಿಮಾ ,ಪೆರ್ಣಂಕಿಲ