ಮುಂಬಯಿ ಸಮೀಪ 12 ಲಕ್ಷ ರೂ. ಮೌಲ್ಯದ ಅಕ್ರಮ ಸಾಗಣೆಯ ಘುಟ್‌ಕಾ ವಶ

ಪಾಲಘರ್‌ : ಮಹಾರಾಷ್ಟ್ರದಲ್ಲಿ ನಿಷೇಧಗೊಂಡಿರುವ, ಅಕ್ರಮ ಕಳ್ಳಸಾಗಣೆಯ ಸುಮಾರು 12 ಲಕ್ಷ ರೂ. ಮೌಲ್ಯದ ಘುಟ್‌ಕಾ ವನ್ನು ಪಾಲಘರ್‌ ಪೊಲೀಸರು ರಾಜ್ಯದೊಳಗೆ ಬರುತ್ತಿದ್ದ ಟೆಂಪೋ ಒಂದರಿಂದ ವಶಪಡಿಸಿಕೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಟೆಂಪೋದೊಳಗೆ ವಿಶೇಷವಾಗಿ ರೂಪಿಸಲಾಗಿದ್ದ ಕುಳಿಯೊಳಗೆ ಈ ಘುಟ್‌ಕಾವನ್ನು ಅವಿತಿರಿಸಲಾಗಿತ್ತು. ಅದರ ಮೇಲೆ ಗುಜರಿ ಐಟಂ ಗಳನ್ನು ರಾಶಿ ಹಾಕಲಾಗಿತ್ತು. ವಶಪಡಿಸಿಕೊಳ್ಳಲಾಗಿರುವ ಘುಟ್‌ಕಾ  ಮೌಲ್ಯ 12.28 ಲಕ್ಷ ರೂ. ಎಂದು ಪೊಲೀಸರು ತಿಳಿಸಿದ್ದಾರೆ.