ಪೊಳಲಿ ಪಾದುಕಾನ್ಯಾಸ- ಸುತ್ತುಪೌಳಿ ಕಾರ್ಯಕ್ರಮ

ಬಂಟ್ವಾಳ: ಇಲ್ಲಿನ ಶ್ರೀ ರಾಜರಾಜೇಶ್ವರೀ ದೇವಸ್ಥಾನದ ಜೀರ್ಣೋದ್ಧಾರ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಶ್ರೀ ದುರ್ಗಾಪರಮೇಶ್ವರೀ ದೇವರ ಗರ್ಭಗುಡಿಯ ಪಾದುಕಾನ್ಯಾಸ ಹಾಗೂ ಸುತ್ತುಪೌಳಿಯ ಪೂಜಾ ವಿಧಿವಿಧಾನಗಳು ಶನಿವಾರ ನೆರವೇರಿದವು.

ಪೊಳಲಿ ದೇವಳದ ತಂತ್ರಿ ಸುಬ್ರಹ್ಮಣ್ಯ ತಂತ್ರಿ, ಶಿಲ್ಪಿ ಮಹೇಶ್‌ ಮುಣಿಯಂಗಳ್‌, ಶಿಲಾಕಲ್ಲಿನ ಶಿಲ್ಪಿ ಕುಪ್ಪುಸ್ವಾಮಿ, ದೇಗುಲದ ಪ್ರಧಾನ ಅರ್ಚಕ ಮಾಧವ ಭಟ್‌, ನಾರಾಯಣ ಭಟ್‌, ಮಾಧವ ಮಯ್ಯ, ವಿಷ್ಣುಮೂರ್ತಿ ನಟ್ಟೋಜ, ದೇಗುಲದ ಮೊಕ್ತೇಸರರಾದ ಅಮ್ಮುಂಜೆಗುತ್ತು ಡಾ| ಮಂಜಯ್ಯ ಶೆಟ್ಟಿ, ತಾರಾನಾಥ ಆಳ್ವ ಉಳಿಪಾಡಿಗುತ್ತು, ಚೇರಾ ಸೂರ್ಯನಾರಾಯಣ ರಾವ್‌, ಜೀರ್ಣೋದ್ಧಾರ ಸಮಿತಿ ಸದಸ್ಯರಾದ ಚಂದ್ರಪ್ರಕಾಶ್‌ ಶೆಟ್ಟಿ ತುಂಬೆ, ಕೃಷ್ಣರಾಜ ಮಾರ್ಲ, ಉಳಿಪಾಡಿಗುತ್ತು ಸುಭಾಷ್‌ ನಾೖಕ್‌, ಅರುಣ್‌ ಆಳ್ವ, ಚಂದ್ರಶೇಖರ ಭಂಡಾರಿ, ಸುಬ್ರಾಯ ಕಾರಂತ, ಕಟ್ಟಡ ಸಮಿತಿ ಸದಸ್ಯ ಗಿರಿಧರ ಶೆಟ್ಟಿ, ದೇವಳದ ಕಾರ್ಯನಿರ್ವಹಣಾಧಿಕಾರಿ ಪ್ರವೀಣ್‌ ಮತ್ತಿತರರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.