PM Modi: ಜನರ ಸಮಸ್ಯೆ ವಿಷಯ ಮಾತಾಡಲಿ: ಮಲ್ಲಿಕಾರ್ಜುನ ಖರ್ಗೆ

ಹೊಸದಿಲ್ಲಿ: ಪ್ರಧಾನಿ ಮೋದಿಯವರು ವಿಪಕ್ಷಗಳ ವಿರುದ್ಧ ಸುಳ್ಳು ಆರೋಪ ಮಾಡುವ ಬದಲು ಇನ್ನು ಮುಂದಾದರೂ ದೇಶ ಎದುರಿಸುತ್ತಿರುವ ಅಸಲಿ ಸಮಸ್ಯೆಗಳ ಬಗ್ಗೆ ಮಾತನಾಡಲಿ ಎಂದು ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಸವಾಲು ಹಾಕಿದ್ದಾರೆ.

ಪ್ರಧಾನಿ ಮೋದಿಯವರು ಗ್ಯಾರಂಟಿ ವಿಷಯ ಎತ್ತಿಕೊಂಡು ಕಾಂಗ್ರೆಸ್‌ ವಿರುದ್ಧ ನಿರಂತರ ವಾಗ್ಧಾಳಿ ನಡೆಸುತ್ತಿರುವ ನಡುವೆ ಖರ್ಗೆ ಸೋಮವಾರ ಟ್ವೀಟ್‌ ಮೂಲಕ ತಿರುಗೇಟು ನೀಡಿದ್ದಾರೆ.

ಸಾರ್ವಜನಿಕರ ಪೈಸೆ ಪೈಸೆಯನ್ನು ಲೂಟಿ ಮಾಡುವ ಮೂಲಕ ನೀವು ಸೃಷ್ಟಿ ಮಾಡಿರುವ ಆರ್ಥಿಕ ಗೊಂದಲವನ್ನು ನೋಡಿ. ಹಬ್ಬಗಳು ಬಂದರೂ ಆರ್ಥಿಕತೆಯನ್ನು ಮೇಲೆತ್ತಲು ಸಾಧ್ಯವಾಗುತ್ತಿಲ್ಲ. ನಿಮ್ಮ ಆಡಳಿತದಲ್ಲಿ ಉಪಭೋಗ ಕಡಿಮೆಯಾಗುತ್ತಿದೆ, ಹಣದುಬ್ಬರ ಏರುತ್ತಿದೆ, ಅಸಮಾನತೆ ವಿಸ್ತಾರವಾಗುತ್ತಿದೆ, ಹೂಡಿಕೆ ಕುಸಿಯುತ್ತಿದೆ ಎಂದು ಖರ್ಗೆ ಆರೋಪಿಸಿದ್ದಾರೆ.