British ದೊರೆಗಿಂತ ಪಿಎಂ ರಿಷಿ ದಂಪತಿ ಶ್ರೀಮಂತರು!

ಲಂಡನ್‌: ಯುನೈಟೆಡ್‌ ಕಿಂಗ್‌ಡಮ್‌ ಅತ್ಯಂತ ಸಿರಿವಂತರ ಪಟ್ಟಿಯನ್ನು “ಸಂಡೆ ಟೈಮ್ಸ್‌’ ಬಿಡುಗಡೆ ಮಾಡಿದೆ. ಅದರಲ್ಲಿ ಒಟ್ಟು 1000 ಮಂದಿ ಶ್ರೀಮಂತರನ್ನು ಹೆಸರಿಸಲಾಗಿದೆ. ಕುತೂಹಲಕಾರಿ ಅಂಶ ವೆಂದರೆ ಭಾರತೀಯ ಮೂಲದ ಬ್ರಿಟನ್‌ ಪಿಎಂ, ರಿಷಿ ಸುನಕ್‌ ಮತ್ತು ಅವರ ಪತ್ನಿ ಅಕ್ಷತಾಮೂರ್ತಿ ಬ್ರಿಟನ್‌ ರಾಜ ಚಾರ್ಲ್ಸ್‌ ರನ್ನೇ ಹಿಂದಿಕ್ಕಿದ್ದಾರೆ.

ಬ್ರಿಟನ್‌ ರಾಜ ಚಾರ್ಲ್ಸ್‌ ಕಳೆದ ವರ್ಷ 6000 ಕೋಟಿ ರೂ. ಆಸ್ತಿ ಮೌಲ್ಯ (600 ಮಿ.ಪೌಂಡ್‌) ಹೊಂದಿದ್ದರು. ಪ್ರಸಕ್ತ ವರ್ಷ ಇದು 6,400 ಕೋಟಿ ರೂ. ಗೆ ಏರಿಕೆಯಾಗಿದೆ.

ಕಳೆದ ವರ್ಷ ರಿಷಿ ದಂಪತಿಯ ಆಸ್ತಿ ಮೌಲ್ಯ 5500 ಕೋ. ರೂ. (529 ಮಿ. ಪೌಂಡ್‌)ಗಳಾಗಿತ್ತು. ಇದೀಗ 1200 ಕೋಟಿ ರೂ. ಏರಿಕೆಯೊಂದಿಗೆ 6800 ಕೋಟಿ ರೂ.ಗೆ ತಲುಪಿದೆ. ಶ್ರೀಮಂತರ ಪಟ್ಟಿಯಲ್ಲಿ ಸುನಕ್‌ ಅವರು 245ನೇ ಸ್ಥಾನದಲ್ಲಿದ್ದರೆ, ದೊರೆ ಚಾರ್ಲ್ಸ್‌ ಅವರು 258ನೇ ಸ್ಥಾನದಲ್ಲಿದ್ದಾರೆ.

ಈ ಪಟ್ಟಿಯಲ್ಲಿ ಭಾರತೀಯ ಮೂಲದ ಗೋಪಿಚಂದ್‌ ಹಿಂದುಜಾ ಮೊದಲ ಸ್ಥಾನ ಅಲಂಕರಿಸಿದ್ದಾರೆ. ಸತತ 6ನೇ ಬಾರಿ ಹಿಂದುಜಾ ಮುಖ್ಯಸ್ಥ ಅಗ್ರಸ್ಥಾನ ಪಡೆದಿದ್ದಾರೆ. ಗೋಪಿಚಂದ್‌ ಅವರ ಒಟ್ಟು ಸಂಪತ್ತು 39 ಲಕ್ಷ ಕೋಟಿ ರೂ.ಗಳಾಗಿದೆ.