ಛೋಟು ಪ್ರತಿಮೆ ಅನಾವರಣ

ಸಂಪ್ಲಾ (ಹರಿಯಾಣ): ಬ್ರಿಟಿಷರ ಆಡಳಿತದ ಕಾಲದಲ್ಲೇ ರೈತರ ಪರ ಹೋರಾಟ ಮಾಡಿದ್ದ ಸರ್‌ ಛೋಟು ರಾಮ್‌ ಅವರ ಪ್ರತಿಮೆಯನ್ನು ಅವರ ಹುಟ್ಟೂರಾದ ಹರ್ಯಾಣದ ರೊಹ್ಟಕ್‌ನಲ್ಲಿ ಮಂಗಳವಾರ ಪ್ರಧಾನಿ ನರೇಂದ್ರ ಮೋದಿ ಅನಾವರಣಗೊಳಿಸಿದರು. 64 ಅಡಿ ಎತ್ತರದ ಪ್ರತಿಮೆಯನ್ನು ಲೋಕಾರ್ಪಣೆ ಮಾಡಿದ ಬಳಿಕ ರೈತ ಗಣ್ಯರಿಗೆ ಗೌರವ ವಂದನೆ ಸಲ್ಲಿಸಿದ ಪ್ರಧಾನಿ ಮೋದಿ, ಅಲ್ಲೇ ಹೊಸದಾಗಿ ನಿರ್ಮಿಸಲಾದ ವಸ್ತು ಸಂಗ್ರಹಾಲಯಕ್ಕೆ ಭೇಟಿ ನೀಡಿ ಪ್ರದರ್ಶನಕ್ಕೆ ಇಡಲಾದ ವಸ್ತುಗಳನ್ನು ವೀಕ್ಷಿಸಿದರು. ಸರ್‌ ಛೋಟು ರಾಮ್‌ ಅವರ ಕುರಿತಾಗಿ ನಿರ್ಮಿಸಲಾದ ಸಾಕ್ಷ್ಯಚಿತ್ರ ವೀಕ್ಷಿಸಿದರು. ಅಲ್ಲದೇ, ಛೋಟು ರಾಮ್‌ ಅವರ ಗುಣಗಾಣ ಮಾಡಿದರು.