ಕಾಲ್ವಾರಿ ಸಬ್‌ಮರೀನ್‌ ರಾಷ್ಟ್ರಕ್ಕೆ ಸಮರ್ಪಿಸಿದ ಪ್ರಧಾನಿ ಮೋದಿ

ಮುಂಬಯಿ: ಭಾರತೀಯ ನೌಕಾ ಪಡೆಗಾಗಿ ಮಡಗಾಂವ್‌ ಡಾಕ್‌ ಲಿಮಿಟೆಡ್‌ ಸಂಸ್ಥೆ ನಿರ್ಮಿಸಿದ ಕಲ್ವಾರಿ ಸಬ್‌ಮರೀನ್‌ ಅನ್ನು ಗುರುವಾರ ಪ್ರಧಾನಿ ನರೇಂದ್ರ ಮೋದಿ ಉದ್ಘಾಟಿಸಿದರು. 

ಈ ವೇಳೆ ಮಾತನಾಡಿದ ಪ್ರಧಾನಿ  ಮೋದಿ  ‘ಕಳೆದ 3 ವರ್ಷಗಳಿಂದ ರಕ್ಷಣಾ ಇಲಾಖೆಯಲ್ಲಿ ಮಹತ್ತರ ಬದಲಾವಣೆಗಳಾಗಿದೆ. ಒನ್‌ ರ್‍ಯಾಂಕ್‌ ಒನ್‌ ಪೆನ್ಷನ್‌ ಜಾರಿ ಗೊಳಿಸಿದ ಹಿರಿಮೆ ನಮ್ಮದು’ ಎಂದರು.

‘ಸಮುದ್ರದ ಮೂಲಕ ಉಗ್ರವಾದ, ಕಡಲ್‌ಗ‌ಳ್ಳತನ, ಮಾದಕವಸ್ತುಗಳ ಸಾಗಣೆ,ಅಕ್ರಮ ಮೀನುಗಾರಿಕೆಯನ್ನು ಭಾರತ ಸಮರ್ಥವಾಗಿ ಎದುರಿಸುತ್ತಿದೆ’ ಎಂದರು. 

‘ವಿಶ್ವದ ಎಲ್ಲಾ ದೇಶಗಳು ಶಾಂತಿಗಾಗಿ ಭಾರತದೊಂದಿಗೆ ಹೆಜ್ಜೆ ಇಡಲು ಸಿದ್ದವಾಗಿವೆ’ ಎಂದರು. 

‘ಭಾರತದ ಕಂಪೆನಿಗಳು ಸಬ್‌ಮೆರಿನ್‌ಗಳನ್ನು, ಫೈಟರ್‌ ಜೆಟ್‌ ಮತ್ತು ಹೆಲಿಕ್ಯಾಪ್ಟರ್‌ಗಳನ್ನು ಹೆಚ್ಚು ಹೆಚ್ಚು ಉತ್ಪಾದಿಸಬೇಕೆನ್ನುವುದು ನನ್ನ ಆಶಯವಾಗಿದೆ’ ಎಂದರು. 

ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌, ನೌಕಾಪಡೆ ಮುಖ್ಯಸ್ಥ ಅಡ್ಮಿರಲ್‌ ಸುನೀಲ್‌ ಲಾಂಬಾ, ವೈಸ್‌ ಅಡ್ಮಿರಲ್‌ ಗಿರೀಶ್‌ ಲೂಥ್ರಾ ಉಪಸ್ಥಿತರಿದ್ದರು.