Advertisement
ಈ ಮೂಲಕ ಒಟ್ಟು 175 ಮಂದಿಗೆ ರಾಮಮಂದಿರದ ಭೂಮಿ ಪೂಜೆಯನ್ನು ಹತ್ತಿರದಿಂದ ನೋಡುವ ಭಾಗ್ಯವನ್ನು ಕರುಣಿಸಲಾಗಿದೆ.
Related Articles
Advertisement
ವೇದಿಕೆಯಲ್ಲಿ ಯಾರೆಲ್ಲಾಪ್ರಧಾನಿ ನರೇಂದ್ರ ಮೋದಿ, ಸಂಘದ ಮುಖ್ಯಸ್ಥ ಮೋಹನ್‌ ಭಾಗವತ್‌, ಉತ್ತರ ಪ್ರದೇಶದ ರಾಜ್ಯಪಾಲ ಆನಂದಿಬೆನ್‌ ಪಟೇಲ್‌, ಮಹಂತ್‌ ನರ್ತ್ಯ ಗೋಪಾಲ್ದಾಸ್‌ ಮತ್ತು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು ವೇದಿಕೆಯಲ್ಲಿ ಉಪಸ್ಥಿತಲಿರಲಿದ್ದಾರೆ. ಇಲ್ಲಿ ರಾಜ್ಯಪಾಲರು ಮತ್ತು ಮುಖ್ಯಮಂತ್ರಿಗಳಿಗೆ ಶಿಷ್ಟಾಚಾರದ ಅನ್ವಯ ವೇದಿಕೆಯಲ್ಲಿ ಸ್ಥಾನ ನೀಡಲಾಗಿದೆ. ಆದರೆ ಇಲ್ಲಿ ಯೋಗಿ ಆದಿತ್ಯನಾಥ್‌ ಹೊರತುಪಡಿಸಿ ಎಲ್ಲರೂ 60 ವರ್ಷ ದಾಟಿದವರೇ ಆಗಿದ್ದಾರೆ. ವಿಎಚ್‌ಪಿ ಪ್ರಮುಖ ನಾಯಕ ಅಶೋಕ್‌ ಸಿಂಘಾಲ್‌ ಅವರ ಕುಟುಂಬದಿಂದ ಅವರ ಸೋದರ ಅಳಿಯರಾದ ಪವನ್‌ ಸಿಂಘಾಲ್‌ ಮತ್ತು ಮಹೇಶ್‌ ಭಾಗಚಂದ್ಕಾ ಅವರು ಈ ಭೂಮಿಪೂಜೆಯ ಯಜಮಾನ್‌ ಆಗಿರುತ್ತಾರೆ. ರಾಮ ಮಂದಿರ ಚಳವಳಿಯಲ್ಲಿ ತಮ್ಮನ್ನು ತೊಡಗಿಸಿಕೊಂಡವರೂ ಹಾಗೂ ಅಡ್ವಾಣಿಯವರ ಆಪೆ¤ಯಾಗಿರುವ ಉಮಾ ಭಾರತಿ ಅವರು ಅಯೋಧ್ಯೆ ತಲುಪಿದ್ದಾರೆ. ಈ ಹಿಂದೆ ಅವರು ಭೂಮಿಪುಜನ್‌ ಕಾರ್ಯಕ್ರಮಕ್ಕೆ ಹಾಜರಾಗುವುದಿಲ್ಲ ಎಂದು ಹೇಳಿದ್ದರೂ, ಕೊನೆಯ ಕ್ಷಣದಲ್ಲಿ ಅವರು ಟ್ವೀಟ್‌ ಮಾಡಿ ನಾನು ಕಾರ್ಯಕ್ರಮಕ್ಕೆ ಹೋಗುತ್ತಿದ್ದೇನೆ ಎಂದು ಮಾಹಿತಿ ನೀಡಿದ್ದಾರೆ. ಭಾಗವಹಿಸಲಿರುವ ಗಣ್ಯರು
ಉಮಾ ಭಾರತಿ ಅವರಲ್ಲದೆ, ಬಿಜೆಪಿ ನಾಯಕರಲ್ಲಿ ಬಿಜೆಪಿ ಅಧ್ಯಕ್ಷ ಜೆ.ಪಿ.ನಡ್ಡಾ, ಸಂಸದ ಲಲ್ಲು ಸಿಂಗ್‌, ಬಿಜೆಪಿ ನಾಯಕ ಮತ್ತು ಜನ್ಮಭೂಮಿ ಚಳವಳಿಯ ಪ್ರಮುಖ ಪಾತ್ರಧಾರಿಗಳು ವಿನಯ್‌ ಕಟಿಯಾರ್‌, ಯುಪಿ ಉಪಮುಖ್ಯಮಂತ್ರಿಗಳಾದ ಕೇಶವ್‌ ಪ್ರಸಾದ್‌ ಮತ್ತು ದಿನೇಶ್‌ ಶರ್ಮಾ, ಯುಪಿಯ ಸಂಪುಟ ಸಚಿವರಾದ ಸುರೇಶ್‌ ಖನ್ನಾ ನಾರಾಯಣ್‌ ಸಿಂಗ್‌, ಮಾಜಿ ಸಿಎಂ ಕಲ್ಯಾಣ್‌ ಸಿಂಗ್‌ ಮತ್ತು ಜೈಭನ್‌ ಸಿಂಗ್‌ ಪೊವಾಯಾ ಅವರು ಭೂಮಿ ಪೂಜೆ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ. ಬಾಬಾ ರಾಮದೇವ್‌, ವಿಎಚ್‌ಪಿ ಕಾರ್ಯನಿರ್ವಾಹಕ ಮುಖ್ಯಸ್ಥರಾದ ಅಲೋಕ್‌ ಕುಮಾರ್‌, ಸದಾಶಿವ್‌ ಕೊಕ್ಜೆ, ಪ್ರಕಾಶ್‌ ಶರ್ಮಾ, ಮಿಲಿಂದ್‌ ಪರಂಡೆ, ರಾಮ್ ವಿಲಾಸ್‌ ವೇದಾಂತಿ ಮತ್ತು ಜಿತೇಂದ್ರನಂದ ಸರಸ್ವತಿ ಅವರಲ್ಲದೆ, ವಿಶ್ವ ಹಿಂದೂ ಪರಿಷತ್ತಿನ ಹೈ ಪವರ್‌ ಕಮಿಟಿಯಲ್ಲಿ 40ರಿಂದ 50 ಜನರು ಭಾಗವಹಿಸಬಹುದು. ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸುರೇಶ್‌ ಭಯಾಜಿ ಜೋಶಿ, ವಿಎಚ್‌ಪಿಯ ದಿನೇಶ್‌ ಚಂದ್‌, ಕೃಷ್ಣ ಗೋಪಾಲ, ಇಂದ್ರೇಶ್‌ ಕುಮಾರ್‌ ಅವರು ಉಪಸ್ಥಿತರಿರಲಿದ್ದಾರೆ.