ಪ್ರೊ ಕಬಡ್ಡಿ: ಹರ್ಯಾಣ ಸ್ಟೀಲರ್ಸ್‌ ಮೇಲೆ ಪುನೇರಿ ಪಲ್ಟಾನ್‌ ಸವಾರಿ

ಬೆಂಗಳೂರು: ಕೊನೆಯ ಹಂತದಲ್ಲಿ ಪರಿಷ್ಕೃತಗೊಂಡ ವೇಳಾ ಪಟ್ಟಿಯಾನುಸಾರ ನಡೆದ ಶುಕ್ರವಾರದ ಮೊದಲ ಪ್ರೊ ಕಬಡ್ಡಿ ಪಂದ್ಯದಲ್ಲಿ ಪುನೇರಿ ಪಲ್ಟಾನ್‌ 45-27 ಅಂತರದಿಂದ ಹರ್ಯಾಣ ಸ್ಟೀಲರ್ಸ್‌ ಗೆ ಸೋಲುಣಿಸಿದೆ.

ಇದು 17 ಪಂದ್ಯಗಳಲ್ಲಿ ಪುನೇರಿಗೆ ಒಲಿದ 9ನೇ ಜಯ. ರೈಡರ್‌ಗಳಾದ ಮೋಹಿತ್‌ ಗೋಯತ್‌ (12), ಅಸ್ಲಾಮ್‌ (8), ಡಿಫೆಂಡರ್‌ ಸೋಮ್‌ಬೀರ್‌ (7) ಪುನೇರಿ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಹ್ಯಾಟ್ರಿಕ್‌ ಜಯದೊಂದಿಗೆ ಬೀಗುತ್ತಿದ್ದ ಸ್ಟೀಲರ್ ಇದೇ ಲಯದಲ್ಲಿ ಸಾಗುವಲ್ಲಿ ವಿಫ‌ಲವಾಯಿತು.

ಇದನ್ನೂ ಓದಿ:ಟಿ20 ಸರಣಿಯಿಂದ ಕೆ.ಎಲ್‌. ರಾಹುಲ್‌, ಅಕ್ಷರ್‌ ಪಟೇಲ್‌ ಔಟ್‌

ತೀವ್ರ ಪೈಪೋಟಿಯಿಂದ ಕೂಡಿದ ದ್ವಿತೀಯ ಪಂದ್ಯದಲ್ಲಿ ಯುಪಿ ಯೋಧ 41-34 ಅಂತರದಿಂದ ಜೈಪುರ್‌ ಪಿಂಕ್‌ ಪ್ಯಾಂಥರ್ಗೆ ಸೋಲುಣಿಸಿತು. ಇದೇ ವೇಳೆ ಅಗ್ರಸ್ಥಾನಿ ಪಾಟ್ನಾ ಪೈರೇಟ್ಸ್‌ ಪ್ಲೇ-ಆಫ್ ಸುತ್ತಿಗೆ ಅರ್ಹತೆ ಪಡೆಯಿತು.