Pro Kabaddi Match: ತಲೈವಾಸ್‌ಗೆ ಸೋಲುಣಿಸಿದ ಹರಿಯಾಣ

ನೋಯ್ಡಾ: ರವಿವಾರದ ಪ್ರೊ ಕಬಡ್ಡಿ ಪಂದ್ಯದಲ್ಲಿ ಹರಿಯಾಣ ಸ್ಟೀಲರ್ 36-29 ಅಂಕಗಳಿಂದ ತಮಿಳ್‌ ತಲೈವಾಸ್‌ ತಂಡವನ್ನು ಸೋಲಿಸಿದೆ. ಇದು 10 ಪಂದ್ಯಗಳಲ್ಲಿ ಹರಿಯಾಣಕ್ಕೆ ಒಲಿದ 8ನೇ ಗೆಲುವು. ಅದು ಪ್ರಸಕ್ತ ಆವೃತ್ತಿಯಲ್ಲಿ 8 ಜಯ ಸಾಧಿಸಿದ ಮೊದಲ ತಂಡಬಾಗಿದ್ದು, 41 ಅಂಕಗಳೊಂದಿಗೆ ಅಗ್ರಸ್ಥಾನದ ಗೌರವ ಸಂಪಾದಿಸಿದೆ.

ರೈಡರ್‌ ವಿನಯ್‌ 10, ಆಲ್‌ರೌಂಡರ್‌ ಮೊಹಮ್ಮದ್‌ರೇಝ 7 ಅಂಕ ಸಂಪಾದಿಸಿ ಹರಿಯಾಣಕ್ಕೆ ಮೇಲುಗೈ ಒದಗಿಸಿದರು. ತಮಿಳ್‌ ತಲೈವಾಸ್‌ ಪರ ಡಿಫೆಂಡರ್‌ ಮೊಯಿನ್‌ ಶಫಾ 7 ಅಂಕ ಗಳಿಸಿದರು. ಇದು 11 ಪಂದ್ಯಗಳಲ್ಲಿ ತಲೈವಾಸ್‌ಗೆ ಎದುರಾದ 6ನೇ ಆಘಾತ.

ಜೈಪುರ್‌ ಜಯ: ಅನಂತರದ ಸಮಬಲರ ಕಾದಾಟದಲ್ಲಿ ಜೈಪುರ್‌ ಪಿಂಕ್‌ ಪ್ಯಾಂಥರ್ 30-28 ಅಂತರದಿಂದ ಪುಣೇರಿ ಪಲ್ಟಾನ್‌ಗೆ ಸೋಲುಣಿಸಿತು.