ಕೆಕೆಆರ್‌ ನಂಟು ಕಳಚಿಕೊಂಡ ಲೀಪಸ್‌

ಕೋಲ್ಕತಾ: ಭಾರತ ತಂಡದ ಮಾಜಿ ಫಿಸಿಯೋ ಥೆರಪಿಸ್ಟ್‌ ಆ್ಯಂಡ್ರೂé ಲೀಪಸ್‌ ಕೆಕೆಆರ್‌ ತಂಡದೊಂದಿಗಿನ ತಮ್ಮ ಸುದೀರ್ಘ‌ ನಂಟನ್ನು ಕಳೆದುಕೊಂಡಿದ್ದಾರೆ. 12 ವರ್ಷಗಳ ಕಾಲ ಕೆಕೆಆರ್‌ ತಂಡದ ಫಿಸಿಯೋ ಆಗಿದ್ದ ಅವರೀಗ ನಿವೃತ್ತಿ ಘೋಷಿಸಿದ್ದಾರೆ.

ನಿವೃತಿಯ ಬಗ್ಗೆ ಮಾತನಾಡಿದ ಲೀಪಸ್‌, ಮುಂದಿನ ಜೀವನವನ್ನು ಕುಟುಂಬದ ಜತೆ ಕಳೆಯುವ ಉದ್ದೇಶದಿಂದ ಈ ನಿರ್ಧಾರಕ್ಕೆ ಬಂದಿದ್ದೇನೆ ಎಂದಿದ್ದಾರೆ.

“ಕಳೆದ 12 ವರ್ಷಗಳ ಅವಧಿಯ ಸೇವಾವಧಿಯಲ್ಲಿ ನನಗೆ ಸಹಕರಿಸಿದ ಕೆಕೆಆರ್‌ ತಂಡದ ಆಟಗಾರರು, ಕೋಚ್‌ಗಳು ಹಾಗೂ ತಂಡದ ಆಡಳಿತ ಮಂಡಳಿಗೆ ನನ್ನ ಧನ್ಯವಾದಗಳು’ ಎಂದು ಲೀಪಸ್‌ ಟ್ವೀಟ್‌ ಮಾಡಿದ್ದಾರೆ.