ಹುಡುಗಿ ಜತೆ ಫೋಟೋ: ರಹಸ್ಯ ಬಿಚ್ಚಿಟ್ಟ  ಪಾಂಡ್ಯ

ಹೊಸದಿಲ್ಲಿ: ಭಾರತ ಕ್ರಿಕೆಟ್‌ ತಂಡದ ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ ಈಗ ಹುಡುಗಿಯರ ಹಾಟ್‌ ಫೇವರಿಟ್‌. ಕೆಲ ದಿನಗಳ ಹಿಂದೆ ಪಾಂಡ್ಯ ಹೆಸರು ಬಾಲಿವುಡ್‌ ನಟಿ ಪರಿಣೀತಿ ಚೋಪ್ರಾ ಜತೆ ಕೇಳಿ ಬಂದಿತ್ತು. ಇದಾದ ಬಳಿಕ ಟ್ವೀಟರ್‌ನಲ್ಲಿ ಹಾರ್ದಿಕ್‌ ಹುಡುಗಿಯೊಬ್ಬಳ ಜತೆಗಿನ ಫೋಟೋವೊಂದನ್ನು ಪ್ರಕಟಿಸಿದ್ದರು. ಆಗ ಭಾರೀ ಗುಸುಗುಸು ಶುರುವಾಗಿತ್ತು. ಮಾಧ್ಯಮಗಳಲ್ಲೂ ಹತ್ತು ಹಲವು ವರದಿಗಳು ಹಬ್ಬಿದ್ದವು.

ಈ ಎಲ್ಲ ಕುತೂಹಲಗಳಿಗೆ ಪಾಂಡ್ಯ ಈಗ ಉತ್ತರಿಸಿದ್ದಾರೆ. ಇದನ್ನು ಕೇಳಿದ ಗುಸುಗುಸು ಪಿಸುಪಿಸು ಪ್ರಿಯರು ಈಗ ಗಪ್‌ಚಿಪ್‌ ಆಗಿದ್ದಾರಂತೆ. ಹಾಗಾದರೆ ಫೋಟೋದಲ್ಲಿರುವ ಹುಡುಗಿ ಯಾರು? ಆ ಹುಡುಗಿಗೂ ಪಾಂಡ್ಯಗೂ ಇರುವ ಸಂಬಂಧವೇನು? ಇದಕ್ಕೆ ಸ್ವತಃ ಪಾಂಡ್ಯ ಪ್ರತಿಕ್ರಿಯಿಸಿದ್ದು ಹೀಗೆ…”ರಹಸ್ಯ ಈಗ ಬಯಲಾಗಿದೆ. ಅವಳು ಬೇರಾರೂ ಅಲ್ಲ. ನನ್ನ ಸಹೋದರಿ’ಎಂದು ಟ್ವೀಟ್‌ ಮಾಡಿದ್ದಾರೆ.