ನಗ್ನ ಫೋಟೋ ಶೂಟ್: ರಣವೀರ್ ಗೆ ಠಾಣೆಗೆ ಹಾಜರಾಗಲು ಹೊಸ ದಿನಾಂಕ

ಮುಂಬಯಿ: ನಗ್ನ ಫೋಟೋ ಶೂಟ್ ವಿವಾದಕ್ಕೆ ಸಂಬಂಧಿಸಿ ನಟ ರಣವೀರ್ ಸಿಂಗ್ ಅವರಿಗೆ ಹೊಸ ದಿನಾಂಕವನ್ನು ನಿಗದಿಪಡಿಸಿದ ನಂತರ ಚೆಂಬೂರ್ ಪೊಲೀಸರು ಹೊಸ ಸಮನ್ಸ್ ಕಳುಹಿಸುತ್ತಾರೆ ಎಂದು ಮುಂಬೈ ಪೊಲೀಸರು ತಿಳಿಸಿದ್ದಾರೆ.

ಸೋಮವಾರ ಠಾಣೆಗೆ ಹಾಜರಾಗುವಂತೆ ಚೆಂಬೂರ್ ಠಾಣೆ ಪೊಲೀಸರು ಸಮನ್ಸ್ ನೀಡಿದ್ದರು. ನಟ ರಣವೀರ್ ಹಾಜರಾಗಲು 2 ವಾರಗಳ ಕಾಲಾವಕಾಶ ಕೋರಿದ್ದಾರೆ, ಈಗ ಹೊಸ ದಿನಾಂಕವನ್ನು ನಿಗದಿಪಡಿಸಿದ ನಂತರ ಚೆಂಬೂರ್ ಪೊಲೀಸರು ಹೊಸ ಸಮನ್ಸ್ ಕಳುಹಿಸಲಿದ್ದಾರೆ.

ಸಾಮಾಜಿಕ ಮಾಧ್ಯಮದಲ್ಲಿ ನಗ್ನ ಛಾಯಾಚಿತ್ರಗಳ ಮೂಲಕ “ಮಹಿಳೆಯರ ಭಾವನೆಗಳಿಗೆ ಧಕ್ಕೆ ತಂದಿದ್ದಾರೆ” ಎಂದು ರಣವೀರ್ ಸಿಂಗ್ ವಿರುದ್ಧ ನೀಡಲಾದ ದೂರಿನ ಮೇಲೆ ಎಫ್‌ಐಆರ್ ದಾಖಲಿಸಲಾಗಿದೆ. ಪೊಲೀಸರು ಮನೆಗೆ ತೆರಳಿ ನೋಟಿಸ್ ನೀಡಿದ್ದರು.