ಪೆಟ್ರೋಲ್ ದರ ಲೀಟರ್ ಗೆ 2.50 ರೂ, ಡೀಸೆಲ್ ದರ 2.25 ರೂ. ಇಳಿಕೆ

ನವದೆಹಲಿ: ಈ ವರ್ಷದ ಜುಲೈಯಿಂದ ಏರಿಕೆ ಹಾದಿಯಲ್ಲಿದ್ದ ಪೆಟ್ರೋಲ್‌, ಡೀಸೆಲ್‌ ದರ ಕೊನೆಗೂ ಇಳಿಕೆಯಾಗಿದೆ. ಸಾರ್ವಜನಿಕರ ಆಗ್ರಹಕ್ಕೆ ಮಣಿದಿರುವ ಕೇಂದ್ರ ಸರಕಾರ ತೈಲೋತ್ಪನ್ನಗಳ ಮೇಲೆ ವಿಧಿಸುತ್ತಿರುವ ಅಬಕಾರಿ ಸುಂಕ (ಎಕ್ಸೈಸ್ ಡ್ನೂಟಿ)ವನ್ನು 2 ರೂ. ತಗ್ಗಿಸಿದೆ. ಈ ಹಿನ್ನೆಲೆಯಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆಯಲ್ಲಿ 2.50 ರೂ. ಇಳಿಕೆಯಾಗಿದ್ದರೆ, ಡೀಸೆಲ್ ಪ್ರತಿ ಲೀಟರ್ ಬೆಲೆ 2.,25 ರೂ.ಇಳಿಕೆಯಾಗಿದೆ.

ಪೆಟ್ರೋಲ್ ದರ ಬುಧವಾರದಿಂದ ಜಾರಿಯಾಗುವಂತೆ ಪ್ರತಿ ಲೀಟರ್ ಗೆ 2.50 ರೂಪಾಯಿ ಹಾಗೂ ಡೀಸೆಲ್ ದರ ಪ್ರತಿ ಲೀಟರ್ ಗೆ 2.25 ರೂಪಾಯಿ ಇಳಿಕೆ ಮಾಡಲಾಗಿದೆ. ಈ ಹಿನ್ನೆಲೆಯಲ್ಲಿ ಪೆಟ್ರೀಲ್ ದರ ಈಗ ದೆಹಲಿಯಲ್ಲಿ ಪ್ರತಿ ಲೀಟರ್ ಗೆ 70.88 ರೂಪಾಯಿ ಇದ್ದಿದ್ದು, ಈಗ 68.38 ರೂ. ಆಗಿದೆ. ಪ್ರತಿ ಲೀಟರ್ ಡೀಸೆಲ್ ಬೆಲೆ 59.14 ರೂ. ಇದ್ದಿದ್ದು, ಈಗ 56.89 ರೂ. ಆಗಿದೆ.

ಕೇಂದ್ರ ಸರಕಾರ ಮಂಗಳವಾರ ತೈಲೋತ್ಪನ್ನಗಳ ಮೇಲೆ ವಿಧಿಸುತ್ತಿರುವ ಅಬಕಾರಿ ಸುಂಕ (ಎಕ್ಸೈಸ್ ಡ್ನೂಟಿ)ವನ್ನು 2 ರೂ. ತಗ್ಗಿಸಿತ್ತು.