ಶಿರಸಿಯಲ್ಲಿ ಪೆಟ್ರೋಲ್ ಮತ್ತಷ್ಟು ದುಬಾರಿ

ಶಿರಸಿ: ರಾಜ್ಯದಲ್ಲೇ  ಉತ್ತರ ಕನ್ನಡದ ಶಿರಸಿಯಲ್ಲಿ  ತೈಲ ಬೆಲೆ ಗರಿಷ್ಟ ಮೊತ್ತಕ್ಕೆ ಏರಿದೆ.

ನವರಾತ್ರಿಯ ಮಹಾ‌ನವಮಿಯಂದೇ ಪೆಟ್ರೋಲ್ 110 ರೂ. ಹಾಗೂ ಡೀಸೆಲ್ ದರ 100 ರೂ. ದಾಟಿದೆ.

ಈ ವಾರದ ಆರಂಭದಲ್ಲಿ ನೂರು ರೂ ಆಗಿದ್ದ ಡೀಸೆಲ್ ದರ ವಾರಾಂತ್ಯಲ್ಲಿ 1 ರೂ.15 ಪೈಸೆಯಷ್ಟು ಹೆಚ್ಚಳವಾಗಿದೆ. ಪೆಟ್ರೋಲ್ ದರ‌ ಲೀ.ಗೆ 110.69 ರೂ. ಆಗಿದ್ದರೆ, ಡೀಸೆಲ್ ದರ 101.23 ರೂ. ಆಗಿದೆ. ಇದರಿಂದ ಗ್ರಾಹಕರು‌ ಕಂಗಾಲಾಗಿದ್ದಾರೆ.

ಮಂಗಳೂರಿನಿಂದ ತೈಲ ತರಿಸಲಾಗುತ್ತಿದ್ದು, ಇದರ ಸಾಗಾಟ ವೆಚ್ಚ ಅಧಿಕ ಆಗುವದರಿಂದ ಶಿರಸಿಯಲ್ಲಿ ಅತಿ ಹೆಚ್ಚು ಇಂಧನ ಬೆಲೆ ದಾಖಲಾಗುತ್ತಿದೆ.