ಪಾಕಿಸ್ತಾನದ ಚುನಾವಣೆ :ಮುಷರ್ರಫ್ ಸ್ಪರ್ಧೆಗೆ ನಿಷೇಧ

ಇಸ್ಲಾಮಾಬಾದ್‌: ಪಾಕಿಸ್ತಾನದಲ್ಲಿ ಜು.25ರಂದು ನಡೆಯಲಿರುವ ಚುನಾವಣೆಯಲ್ಲಿ ಮಾಜಿ ಅಧ್ಯಕ್ಷ ಜ.ಪರ್ವೇಜ್‌ ಮುಷರ್ರಫ್ ಸ್ಪರ್ಧಿಸದಂತೆ ಸುಪ್ರೀಂಕೋರ್ಟ್‌ ನಿಷೇಧ ಹೇರಿದೆ.

ವಿಚಾರಣೆಗಾಗಿ ಹಾಜರಾಗಬೇಕು ಎಂಬ ಸೂಚನೆಯನ್ನು ಮಾನ್ಯ ಮಾಡದ್ದರಿಂದ ಕೋರ್ಟ್‌ ಈ ತೀರ್ಮಾನ ಕೈಗೊಂಡಿದೆ. ಸೇನೆಯ ನಿವೃತ್ತ ಮುಖ್ಯಸ್ಥರನ್ನು ಹೇಡಿ ಎಂದು ಸುಪ್ರೀಂಕೋರ್ಟ್‌ ಜರೆದಿದೆ.  ಹೀಗಾಗಿ ಮತ್ತೆ ಸಕ್ರಿಯ ರಾಜಕೀಯಕ್ಕೆ ಬರಬೇಕು ಎಂಬ ಅವರ ಕನಸು ಭಗ್ನವಾಗಿದೆ. ಚಿಕಿತ್ಸೆಯ ಹೆಸರಿನಲ್ಲಿ ಅವರು 2016ರ ಮಾರ್ಚ್‌ನಿಂದ ದುಬೈನಲ್ಲಿಯೇ ನೆಲೆಸಿದ್ದಾರೆ .