ಎಚ್‌.ಡಿ.ಕೋಟೆ: ಎಳನೀರು ಮಾರಾಟ ಮಾಡಲು ಮನೆಯಿಂದ ಹೊರಹೋದ ಯುವಕನೊಬ್ಬ ಅನುಮಾನಸ್ಪಾದವಾಗಿ ಸಾವನ್ನಪ್ಪಿದ್ದು, ಇದು ಸಹಜ ಸಾವಲ್ಲ, ಕೊಲೆಯಾಗಿದೆ ಎಂದು ಮೃತನ ತಾಯಿ ದೂರು ನೀಡಿದ್ದಾರೆ. ಎಚ್‌.ಡಿ.ಕೋಟೆ ತಾಲೂಕಿನ ಶರೀಫ್‌ ಕಾಲೋನಿ ನಿವಾಸಿ ನಾಗರಾಜು (32) ಅನುಮಾಸ್ಪದವಾಗಿ ತಲೆಗೆ ತೀವ್ರ ಪೆಟ್ಟು ಬಿದ್ದು ಮೃತಪಟ್ಟ ವ್ಯಕ್ತಿ.
ಈತನಿಗೆ ವಿವಾಹ ವಾಗಿ ಇಬ್ಬರು ಮಕ್ಕಳು ಮತ್ತು ಪತ್ನಿ ಇದ್ದರೂ ಅಕ್ರಮವಾಗಿ ಈತನ ಸಂಬಂಧಿಯೊಬ್ಬರ ನಡುವೆ ಅಕ್ರಮ ಸಂಬಂಧ ಹೊಂದಿದ್ದ ಎಂದು ತಿಳಿದು ಬಂದಿದೆ. ಅಕ್ರಮ ಸಂಬಂಧದ ಹಿನ್ನೆಲೆಯಲ್ಲಿ ಬೇಸರಗೊಂಡ ಅಕ್ರಮ ಸಂಬಂಧ ಇರಿಸಿ ಕೊಂಡಿದ್ದ ಮಹಿಳೆ ಪತಿಯೇ ಈ ಕೃತ್ಯ ಎಸಗಿರಬೇಕೆಂದು ಶಂಕಿಸಲಾಗಿದ್ದು, ಘಟನೆ ನಡೆದ ಸ್ಥಳವನ್ನು ಎಚ್‌.ಡಿ.ಕೋಟೆ ಪೊಲೀಸರು ಪರಿಶೀಲನೆ ನಡೆಸಿ, ಮೃತ ದೇಹವನ್ನು ಎಚ್‌.ಡಿ.ಕೋಟೆ ಸರ್ಕಾರಿ ಆಸ್ಪತ್ರೆ ಶವಾಗಾರಕ್ಕೆ ಸ್ಥಳಾಂತರಿಸಿದ್ದಾರೆ.
ಇದನ್ನೂ ಓದಿ;- ಎರಡೆರಡು ಸೋಲಿನ ಬಳಿಕವೂ ಟೀಂ ಇಂಡಿಯಾಗಿದೆ ಸೆಮಿ ಫೈನಲ್ ಅವಕಾಶ
ಏನು ಘಟನೆ: ನಾಗರಾಜು ಮಹಿಳೆ ಯೊಬ್ಬರೊಡನೆ ಅನೈತಿಕ ಸಂಬಂಧ ಇರಿಸಿಕೊಂಡಿದ್ದ. ಈ ವಿಚಾರ ಆಕೆಯ ಪತಿಗೆ ತಿಳಿದು ಬುದ್ಧಿವಾದ ಹೇಳಿದರೂ ಪ್ರಯೋಜನವಾಗಿರಲಿಲ್ಲ. ನಾಗರಾಜು ಸಮೀಪದ ಗದ್ದಿಗೆಯಲ್ಲಿ ಎಳನೀರು ವ್ಯಾಪಾರ ಮಾಡಿಕೊಂಡು ಜೀವನ ಸಾಗಿಸುತ್ತಿದ್ದ. ಎಂದಿನಂತೆ ಶನಿವಾರ ಎಳನೀರು ವ್ಯಾಪಾರಕ್ಕೆಂದು ಗದ್ದಿಗೆಗೆ ಮನೆಯಿಂದ ಹೋಗಿದ್ದ. ಸಂಜೆ ಆತ ಮನೆ ಸಮೀಪಕ್ಕೆ ಧಾವಿಸುತ್ತಿದ್ದಂತೆಯೇ ಅಕ್ರಮ ಸಂಬಂಧ ಇರಿಸಿಕೊಂಡಿದ್ದ ಮಹಿಳೆ ದೂರವಾಣಿ ಕರೆ ಮಾಡಿದ್ದಾರೆ.
ಕರೆಯಲ್ಲಿ ಮಾತನಾಡುತ್ತಿದ್ದಂತೆಯೇ ನಾಗರಾಜು ಮನೆ ಹತ್ತಿರ ಇರುವುದಾಗಿ ತಿಳಿಸುತ್ತಿದ್ದಂ ತೆಯೇ ಯಾರೋ ನಾಗ ರಾಜು ಮೇಲೆ ಹಲ್ಲೆಗೆ ಮುಂದಾಗಿದ್ದಾರೆ. ಈ ಸಂದರ್ಭ ದಲ್ಲಿ ನಾಗರಾಜು ಚೀರಾಟ ಆಲಿಸಿದ ಮಹಿಳೆ, ನಾಗರಾಜು ಕುಟುಂಬದ ಸದಸ್ಯರಿಗೆ ಮಾಹಿತಿ ನೀಡಿದ್ದಾರೆ. ಕೂಡಲೇ ಕುಟುಂಬದ ಸದಸ್ಯರು ನಾಗರಾಜು ಇದ್ದ ಸ್ಥಳದತ್ತ ಧಾವಿಸು ವಷ್ಟರಲ್ಲಿ ನಾಗರಾಜು ತಲೆಗೆ ಪೆಟ್ಟು ಬಿದ್ದು ಸ್ಥಳದಲ್ಲಿಯೇ ಮೃತಪಟ್ಟಿರುವುದು ದೃಢಪಟ್ಟಿದೆ. ಕೂಡಲೇ ಪೊಲೀಸರಿಗೆ ಮಾಹಿತಿ ನೀಡಿ ದೂರು ನೀಡಲಾಗಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿ ಬಂಧನಕ್ಕಾಗಿ ಬಲೆ ಬೀಸಿದ್ದಾರೆ.
