“ತಕ್ಷಣವೇ ನಿಮ್ಮ ಹಣ ಡ್ರಾ ಮಾಡಬೇಕು. ಇಲ್ಲವೇ ಕೇಂದ್ರ ಸರಕಾರ 500 ರೂ. ಮರಳಿ ಪಡೆಯುತ್ತದೆ’ ಎಂಬ ವದಂತಿ ಹರಿದಾಡುತ್ತಿವೆ ಎನ್ನಲಾಗಿದೆ. ಇದು ಸಾರ್ವಜನಿಕರ ಆತಂಕಕ್ಕೆ ಕಾರಣವಾಗಿದ್ದು, ಮಹಿಳೆಯರು ಬ್ಯಾಂಕ್‌ ಗಳಿಗೆ ಮುಗಿಬೀಳುತ್ತಿದ್ದಾರೆ.
Advertisement
2.51 ಲಕ್ಷ ಖಾತೆಗೆ ಜಮಾ: 2014ರಲ್ಲಿ ಜನ್‌ಧನ್‌ ಯೋಜನೆ ಆರಂಭಗೊಂಡಿದ್ದು, ಜಿಲ್ಲೆಯಲ್ಲಿ ಈವರೆಗೆ 7,07,254 ಖಾತೆಗಳನ್ನು ತೆರೆಯಲಾಗಿದೆ. ಆ ಪೈಕಿ 2,51,038 ಮಹಿಳೆಯರ ಖಾತೆಗಳಿದ್ದು, ಈಗಾಗಲೇ ತಲಾ 500 ರೂ. ಜಮಾ ಆಗಿದೆ. ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಡಿದ ವದಂತಿಗಳಿಂದ ಜನರು ಗೊಂದಲಕ್ಕೀಡಾಗುತ್ತಿದ್ದು, ಹಣ ಬಿಡಿಸಿಕೊಳ್ಳಲು ಬ್ಯಾಂಕ್‌ಗಳಿಗೆ ಧಾವಿಸುತ್ತಿದ್ದಾರೆ. ಗದಗ-ಬೆಟಗೇರಿ ಸೇರಿದಂತೆ ಜಿಲ್ಲೆಯ ವಿವಿಧ ಬ್ಯಾಂಕ್‌ಗಳ ಎದುರು ಬೆಳಗಾಗುತ್ತಿದ್ದಂತೆ ನೂರಾರು ಸಂಖ್ಯೆಯಲ್ಲಿ ಜನರು ಜಮಾಯಿಸುತ್ತಿದ್ದಾರೆ. ಪೊಲೀಸರು ಕೊಂಚ ಅತ್ತಿತ್ತ ಹೋದರೂ ಮಹಿಳೆಯರು ಗುಂಪುಗೂಡುತ್ತಾರೆ.
ಮಾತಿಲ್ಲ. ಜನ್‌ಧನ್‌ ಮಹಿಳಾ ಖಾತೆಗಳಿಗೆ ಸರಕಾರದಿಂದ ಈಗಾಗಲೇ 500 ರೂ. ಜಮಾ ಮಾಡಲಾಗಿದೆ. ಆದರೆ ತಕ್ಷಣವೇ ಹಣ ಡ್ರಾ ಮಾಡಬೇಕು ಎಂಬ ನಿಯಮವಿಲ್ಲ. ಇನ್ನೂ ಮೂರು ತಿಂಗಳು ಸರಕಾರದಿಂದ ಹಣ ಜಮೆಯಾಗುತ್ತದೆ. ಅಗತ್ಯವಿದ್ದವರು ಮಾತ್ರ ಹಣ ಬಿಡಿಸಿಕೊಳ್ಳಬೇಕು.
ಮುರಳಿ ನಾಯಕ್‌, ಜಿಲ್ಲಾ ಲೀಡ್‌ ಬ್ಯಾಂಕ್‌ ವ್ಯವಸ್ಥಾಪಕ