ಬೈಕುಲ ಝೂನಲ್ಲಿ ಪೆಂಗ್ವಿನ್‌ ಸಂಖ್ಯೆ 12ಕ್ಕೆ ಏರಿಕೆ

ಮುಂಬೈ: ಮಹಾರಾಷ್ಟ್ರದ ಮುಂಬೈನ ವೀರಮಾತಾ ಜೀಜಾಬಾಯಿ ಬೋಸಲೆ ಉದ್ಯಾನ ಮತ್ತು ಮೃಗಾಲಯದಲ್ಲಿ ಹಂಬೋಲ್ಟ್ ಪೆಂಗ್ವಿನ್‌ಗಳು ಮೂರು ಮರಿಗಳಿಗೆ ಜನ್ಮ ನೀಡಿವೆ. ಇದರಲ್ಲಿ ಒಂದು ಹೆಣ್ಣು ಮತ್ತು ಎರಡು ಗಂಡು ಪೆಂಗ್ವಿನ್‌ ಮರಿಗಳು ಸೇರಿವೆ. ಈ ಮೂಲಕ ಬೈಕುಲ್ಲಾ ಮೃಗಾಲಯ ಅಥವಾ ರಾಣಿ ಬಾಗ್‌ ಎಂದೇ ಖ್ಯಾತವಾಗಿರುವ ಈ ಮೃಗಾಲಯದಲ್ಲಿ ಪೆಂಗ್ವಿನ್‌ಗಳ ಸಂಖ್ಯೆ 12ಕ್ಕೆ ಏರಿಕೆಯಾಗಿದೆ.

ಕೆಲವು ತಿಂಗಳ ಹಿಂದೆ ಈ ಮರಿಗಳ ಜನ್ಮವಾದರೂ ಮೃಗಾಲಯವೂ 160 ವರ್ಷಗಳು ಪೂರೈಸುತ್ತಿರುವ ಹಿನ್ನೆಲೆಯಲ್ಲಿ ಈಗ ಘೋಷಣೆ ಮಾಡಲಾಗಿದೆ.

ಹೆಣ್ಣು ಪೆಂಗ್ವಿನ್‌ ಮರಿಗೆ ಅಲೆಕ್ಸಾ, ಒಂದು ಗಂಡು ಮರಿಗೆ ಫ್ಲಾಶ್‌, ಮತ್ತೂಂದು ಮರಿಗೆ ಬಿಂಗೊ ಎಂದು ನಾಮಕರಣ ಮಾಡಲಾಗಿದೆ.