Lucknow: ನೋಂದಣಿ ಆಗದ ಮದರಸಾಗಳಿಗೆ ದಂಡ

ಲಕ್ನೋ: ಉತ್ತರ ಪ್ರದೇಶದ ಮುಜಾಫ‌ರ್‌ನಗರದಲ್ಲಿ ನೋಂದಣಿ ಆಗದೇ ಕಾರ್ಯನಿರ್ವಹಿಸುತ್ತಿರುವ ಮದರಸಾಗಳಿಗೆ ಪ್ರಾಥಮಿಕ ಶಿಕ್ಷಣ ಇಲಾಖೆ ನೋಟಿಸ್‌ ಜಾರಿಗೊಳಿಸಿದ್ದು, ದಿನಕ್ಕೆ 10,000 ರೂ.ಗಳ ದಂಡ ಪಾವತಿಸುವಂತೆ ನಿರ್ದೇಶಿಸಿದೆ.

ನಗರದಲ್ಲಿ ನೋಂದಣಿ ಹೊಂದಿಲ್ಲದ ಸರಿಸುಮಾರು 12 ಮದರಸಾಗಳಿಗೆ ನೋಟಿಸ್‌ ಜಾರಿಗೊಳಿಸಲಾಗಿದ್ದು, ಅಗತ್ಯ ದಾಖಲೆಗಳನ್ನೂ ಪರಿಶೀಲನೆಗೆ ತಂದೊಪ್ಪಿಸುವಂತೆ ಇಲಾಖೆ ಸೂಚನೆ ನೀಡಿದೆ. ಅಧಿಕಾರಿಗಳ ಪ್ರಕಾರ, ಉತ್ತರ ಪ್ರದೇಶದಲ್ಲಿ 24,000 ಮದರಸಾಗಳಿದ್ದು, ಅವುಗಳ ಪೈಕಿ 16,000 ಮದರಸಾಗಳಿಗೆ ಮಾನ್ಯತೆ ಇವೆ. ಉಳಿದಂತೆ 8,000 ಮದರಸಾಗಳು ನೋಂದಣಿಯಾಗಿಲ್ಲ. ಸದ್ಯಕ್ಕೆ ಮುಜಾಫ‌ರ್‌ ನಗರದ ಮದರಸಾಗಳಿಗೆ ನೋಟಿಸ್‌ ನೀಡಿ, ದಾಖಲೆ ಸಲ್ಲಿಕೆಗೆ 3 ದಿನಗಳ ಗಡುವು ನೀಡಲಾಗಿದೆ.