ಲಾಲುಪ್ರಸಾದ್‌ ಯಾದವ್‌ ಬಿಡುಗಡೆಗೆ ಆಗ್ರಹ

ರಾಂಚಿ ವೈದ್ಯಕೀಯ ವಿಜ್ಞಾನ ಸಂಸ್ಥೆಯ ಆಸ್ಪತ್ರೆಯ ವೈದ್ಯ ಡಾ| ಉಮೇಶ್‌ ಪ್ರಸಾದ್‌ಗೆ ಕೋವಿಡ್ 19 ವೈರಸ್ ಸೋಂಕು ದೃಢಪಟ್ಟಿದೆ.

ಅವರೇ ಬಿಹಾರದ ಮಾಜಿ ಸಿಎಂ ಲಾಲು ಪ್ರಸಾದ್‌ ಯಾದವ್‌ ಗೆ (72) ಚಿಕಿತ್ಸೆ ನೀಡುತ್ತಿರುವುದರಿಂದ ತಮ್ಮ ತಂದೆಗೆ ಕೂಡ ಸೋಂಕು ತಗಲಿರಬಹುದು.

ಹೀಗಾಗಿ ಅವರನ್ನು ಬಿಡುಗಡೆ ಮಾಡಬೇಕು ಎಂದು ಅವರ ಪುತ್ರ, ಶಾಸಕ ತೇಜಸ್ವಿ ಯಾದವ್‌ ಒತ್ತಾಯಿಸಿದ್ದಾರೆ. ಡಾ| ಉಮೇಶ್‌ ಪ್ರಸಾದ್‌ ಚಿಕಿತ್ಸೆ ನೀಡುವ ಮತ್ತೂಬ್ಬ ರೋಗಿಗೆ ಕೂಡ ಸೋಂಕು ದೃಢಪಟ್ಟಿದೆ.

ಲಾಲು ಯಾದವ್‌ ಅವರನ್ನು ಬಿಡುಗಡೆ ಮಾಡುವ ಬಗ್ಗೆ ಎ.13ರಂದು ಪ್ರತಿಕ್ರಿಯೆ ನೀಡಿದ್ದ ಝಾರ್ಖಂಡ್‌ ಮುಖ್ಯಮಂತ್ರಿ ಹೇಮಂತ್‌ ಸೊರೇನ್‌, ಈ ಬಗ್ಗೆ ಕಾನೂನು ತಜ್ಞರ ಜತೆಗೆ ಸಮಾಲೋಚನೆ ನಡೆಸಲಾಗುತ್ತಿದೆ ಎಂದು ಹೇಳಿದ್ದರು.